Serchhip District Education Committee \hutkhawm nei

SSA Mission Serchhip District thuneitu sang, District Education Committee (DEC) chu nimin khan an Chairman, Sangchhin Chinzah District Bawrhsap ni bawk hovin a Office Chamber-ah an \hukhawm a. Kum 2017-2018 atana Project Approval Board (PAB) in sum hman tura a ruahman a\anga 3rd Installment atana sum an dawn cheng nuai 15.956 hmanga hmalak dan tur sawiho a ni.

He Meeting hian, Teachers Training Intervention hnuaia sum cheng nuai 3.04 rawn kal chu kumin November thlaa National Achievement Survey neih tur inbuatsaihna, Teachers Training on Learning Outcomes buatsaih nan hman ni se tiin a rel a, hei bakah hian Rastrya Avishkar Abhyan (RAA) programme hmalakna turin District pum huap Middle School Level Science & Maths Quiz Competition buatsaih nise an ti bawk. Hei bakah hian Mid-Day Meal (MDM) programme hlawhtling zawka kalpui zel anih theih nan uar zawka Monitoring DEC member ten kalpui dan tur te, District chhung hmun hrang hranga a remchan dana School Mentoring Programme siam dan tur te pawh he hunah hian an sawiho a ni bawk.
Nimin a Serchhip District Education Committee (DEC) \hutkhawm ah hian SSA Mission Serchhip-a District Project Coordinator,  Vanlalchhana, Serchhip SDEO ni bawk chuan SSA Mission Serchhip hmalakna hrang hrangte a tarlang bawk a. He \hutkhawm ah hian Ser-chhip District Education Committee Member te an tel \ha hle a ni.

Popular News