Latest News

Serchhip District-ah Zirtirtu la training lo 463 an awm

Serchhip District chhunga Elementary School hrang hrangah Zirtirtu 1069 awmin heng zinga 463 te hi la traning lo an ni a, heng mite hian April 31, 2019-ah chuan training an neih a ngai dawn a ni.
DIET Serchhip-a thawktute hnen a\anga thu kan dawn danin Serchhip District chhunga sorkar zirna In hrang hranga thawktute chu sorkar in training ngei tura a tih angin kum kalta lam khan zirtirtu tam tak te chuan training an nei tawh a, tunhnaiah sorkar chuan Private-a hawn zirna In te pawh Zirtirtu an rawih te chu training vek tura a tih leh angin Private School-a zirtirtute pawh hi an training leh vek a ngai dawn a, tun dinhmun ah Serchhip District-ah hian Elementary School-ah Zirtirtu 1069 awmin heng zinga 282 hi Primary School-a zirtirtu an ni a, 488 te hi Middle School a Zirtirtute niin Private School-a thawk 299 an awm bawk a, heng zirtirtu hrang hrangte zingah hian la training lo 463 an awm a ni. Heng Zirtirtute training nan hian National Institute of Open Schooling chuan training a buatsaih dawn a ni.

Comments

Popular News (Last 30 Days)