Serchhip-ah Workshop on Hazard Risk and Vulnerability Analysis nei

Nimin khan Serchhip DC’s Conference Hall-ah Workshop on “Hazard Risk and Vulnerability Analysis” (HRVA) neih a ni a, he hun hi Serchhip District Addl. DC, Chuauhnuna chuan khuallian niin a hmanpui a ni.
Serchhip DC’s Conference Hall-a Workshop on “Hazard Risk and Vulnerability Analysis” ah hian Khuallian chuan hetianga Workshop-ah hian thil pawi-mawh zawng zawng inhrilhhriat hman a nih loh thu sawiin, mahse mithiamte sawi ang ang erawh vawng reng tura ngaihtuahna hmang turin he huna kalkhawmte chu a chah a. Chhiatna chi hrang hrang lo thleng \hin laka lo inven chu sorkar laipuiin a ngaih pawimawh em avangin chhiatna lo thlen thulha invenna chungchangah vawi tam tak inzirtirna neih a nih tawh thu sawiin, engemaw pawh tawk palh ila inpuibawm tawn thei tura kan inbuatsaih chu a \ul thu a sawi bawk.
He Workshop hi Mizoram Remote Sensing Application (MIRSAC) ten Serchhip khawpui chu khuarel chhiatna chi hrang hrang laka an him tawk loh dan zirchianna an neih mek puitu atan buatsaih a ni a. He hunah hian Serchhip District Organiser, Vanlalduhi Ralte chuan ‘Vulnerability of Serchhip Town against Various Hazards’ tih thupui hmangin a lem nen zirtirna a pe a. Serchhip District leh town chhunga chhiatna thleng langsar zualte, hmun hlauhawm lai leh hmachhawp turte a tarlang bawk.
Mizoram Remote Sensing Application (MIRSAC) a\anga lo kal Sr. Scientist, ZD. Lal\anpuia pawhin he hunah hian Hazard Risk and Vulnerability Analysis (HRVA) chungchang ah zirtirna pe in, an thil buatsaih tur HRVA an duan dante, GIS Mapping leh Technical data hrang hrang te a tarlang bawk a ni. He Workshop hi Vabeimozachhi Chozah, SDC Serchhip chuan a kaihruai a, department hrang hrang hotute, Village Council hrang hrang aiawh leh Sub-Headquarters YMA aiawhte an tel a ni.

Popular News