Science-a zirlaite an tui nen leh hma an sawnna atan District Level Children Science Congress neih a ni

Zirlai ten Science thiamna lama hma an sawn theihna tur leh Science lama an tui theihna tura buatsaih\hin, Serchhip District Level Children Science Congress chu nimin khan Serchhip-ah neih a ni a, he hun hi District Information & Public Relations Officer, K. Saitluanga chuan khuallian niin a hmanpui a ni.


Serchhip P&E Veng YMA Hall-a Serchhip District Level Children Science Congress neih hi Khuallian chuan hawngin Science lama hriatna a \hanharh hma chuan mihringte nunkawng hi tihpalh thil (accident) in a kaihruai nasa tih sawiin, ziaktu \henkhat phei chuan mei (fire) pawh tihpalh thila hmuhchhuah niin an sawi a. Amaherawh chu Science zirna lama hmasawnna chuan thil nihphung, nunphung, kawnghmang leh kal zel dan tur zirchhuah thiamna te, mamawh thil thar siamchhuah thiamna te min pe tih sawiin, “Mihring hmasawnna chu nasa takin a \hang chho a, tun hun Science thiamna sang tak hmanga inrelbawlna hun hi kan thleng chho ta a ni. Science thiamna ngaina ram apiang an dingchhuak hmasain, an ropui hmasa a ni ta ber a, keini pawhin Science thiamna kan ngaihhluta kan uar zia zelin hmasawnna rahbi kan rap chho zel dawn a nih hmel a ni,” a ti a. Kumina Children Science Congress theme atana ‘Science, Technology & Innovation for Sustainable Development’ tih thlan a nih angin Science thiamna hmanga kan tu kan fa, chhuan lo la awm zel turte tana chenna tlak khawvel din kawngah kan thiamna te kan hman chhoh deuh deuh a \ul thu a tarlang a, zirlai naupang kalkhawmte chu nakina Scientist ropui tak an nih theih nan vawiina an zirlai te chu thil pawimawh ber a nih thu a chah bawk.
RMSA Serchhip leh Science Teachers Association of Mizoram (STAM) \angkawp in an buatsaih Science Congress hi RMSA Ser-chhip District-a Deputy DPC, PC. Vanlalluna chuan kaihruaiin Serchhip DEO, Lawmawma pawhin India sorkar in hmasawnna atan Science a pawimawh zia hriain Students Science Congress chu a buatsaih tih sawiin, hei bakah hian Students Science Seminar te pawh buatsaih a nih thu a sawi a, heng Science lama hmasawnna tura sorkar ruahmanna te hi zirlaite pawhin hruain Science pawimawhna an hriat phah ngei a beisei thu a sawi bawk.
Serchhip District Level Children Science Congress neih tur atan hian kumin June ni 16 khan Serchhip District-a High School leh Middle School hrang hranga Zirtirtute chu ko-khawmin zirlaite tana inbuatsaih dan tur sawihona neih a lo ni tawh a, he hunah hian Zirtirtu 20 chuang zet tel mah se nimin a intihsiakna ah hian School 4 a\angin Team 9 an tel thei a, heng Team te hian ‘Science, Technology & Innovation for Sustainable Development’ tih thupui hmanga an Project te tarlangin, a pumpui ah Marian High School chu pakhatna an ni a, St. Peters’ High School Chhingchhip chu pahnihna an ni bawk.
He intihsiakna an neih a a ti\ha thlan-chhuah pahnih te hian thla thar ni 6-a State Level Science Congress neih turah Serchhip District ai an awh leh dawn a ni. Science Congress hi kum 1993 a\angin India ramah neih niin sorkar laipui Flagship Programme a ni a, naupang kum 10 leh 17 inkarte tana buatsaih \hin niin zirlaite chauh ni lovin zirlai ni lo te tan pawh tel theih a ni.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.