Sailulak YMA kum 75 tlin lawmna neih a ni

Sailulak Branch YMA chuan nimin khan an kum 75 tlinna, Platinum Jubilee an lawm a, he hun hi Hrangturzo Bialtu MLA, Vanlalawmpuii Chawngthu chuan Khuallian niin a hmanpui a ni.

Sailulak Community Hall-a Sailulak Branch YMA Platinum Jubilee lawmna hunah hian Bialtu MLA, Vanlalawmpuii Chawngthu chuan YMA member kalkhawmte chu ram leh hnam humhalhna kawnga tha thlah lo tura chahin, Mizo nula leh tlangval te chu hnamdang nei lo turin a fuih a, "Kan hnam tlem te chimrala kan awm loh nan tuna \hangthar lo la kal leh zel turte chuan mahni hnampui ngei nupui pasalah i nei ang u. Hnamdang tlangval hausa tak ai chuan Mizo mipa inhlawhfa te an hlu zawk tih hria ila, mahni hnampui ngei nupui pasal ah i nei ang u," a ti a. Ruihhlo do kawnga YMA hmalakna te chu ropui a tih thu sawiin, \an la zel turin a chah a, "Tute emaw tihtur a dah lovin kan zavaiin i \ang tlang ang u," a ti bawk. Mizoram State Women Commission-a Chairman chuan chimral kan nih loh nan Zirna kawngah \hangthar te inel a \ul tawh hle tih pawh sawiin, Aia upa zahna kawngah pawh  inzir thar a \ul thu a sawi bawk. Sailulak YMA Branch hi September ni 5, 1942 khan din a ni a. Tunah hian member mipa 401 leh Hmeichhia 280, an vaiin 681 an awm mek a ni.