PWD hotu ten kawng chhia an sawiho

Nimin khan Mizoram PWD hotute leh kawng enkawltu Divisional Officers zawng zawngte chuan Principal Secretary, PWD kaihhruaina in Engineer-In-Chief, Conference Hall ah Road Maintenance chungchangah meeting an nei.
He hunah hian Principal Secretary, Lalram Thanga chuan kumin Fur ruahtui kumdang aia a tam avangin Mizoram leh North East State dangah kawng chhia a tam hle tih sawiin, Mizoram PWD kawng enkawlte pawh a chhiat nasat thu a sawi a. Truck lian phurrit tak tak phur, kawngin a dawl tur (Design load) aia sangin a zawh tam tak hle thu leh chu chuan kawng a tihchhiat nasat thu sawiin, hemi chungchangah hian Transport Department te nen pawh \an lak ho \ula a hriat thu a sawi bawk. Principal Secretary chuan Road Maintenance Policy siam fel a nih tawh thu leh Road Fund Board pawh siam a nih tawh thu sawiin, Road Fund lakkhawm dan tur pawh ruahman mek a nih bakah kawng enkawl nan hian sum tam zawk hmuh beisei a nih thu a sawi bawk. Tunah hian Mizoram PWD hnuaiah kawng enkawl KM 6127.81 (NH-1465.12 kms leh State Roads-4662.69 kms) a awm a. Heng enkawl hna hi chi thum- Normal Maintenance; Periodical Maintenance leh Emergency Repair/Maintenance te a \hen niin Division tinin khaw \hat veleh a hna an thawh dan tur leh sum ruahman te sawiho a ni.

Popular News