Parliamentary Secretary-te Law Court order hlauhthawn vangin an bang – H Rammawi, Ex-Minister

MNF Party National Core Committee Member leh Law Minister hlui ni bawk, H Rammawi chuan,niminpiah a Mizoram sorkara Parliamentary Secretary 7 ten Chief Minister, Lal Thanhawla hnena banna an thehluh chu, Law Court order an hlauh vang niin a sawi a. High Court lama an hmalakna chu an chhunzawm zel dawn tih a sawi bawk.

Nimin a Aizawl Press Club-a thuthar thehdarhtute a kawmna ah H Rammawi chuan Mizoram Congress sorkarin kum 2009-a ‘The Mizoram Parliamentaries (Appoinment, Salaries, Allowances and Miscellanous Provision) Act, 2009’ a siam chu ‘India Constitution Article 164(1A) kalh a ni e’ ti a Gauhati High Court-a an khin thu a sawi a. ‘Parliamentary Secretaries hmingin Ministers an ruat belh a ni,’ an ti a ni ber tih sawiin, Gauahti High Court chuan hetiang dan hi Assam leh Nagaland-in an siam chu Supreme Court-ah khin an niin, ngaihtuah mek an nih avangin Supreme Court thutlukna nghah nise, thutltukna a awm hnuah ngaihtuah turin a lehlam lehlamin an dil (mention) thei tiin Nov. ni 5, 2009-ah order siam a nih thu a sawi a. 'Supreme Court thutlukna chu kan nghak ta a ni,' a ti a. India Parliament-in Constitution siam\hain State tin ten Minister an neih theihzat bithliah a siam a, State \henkhatah chuan Minister an indah \euh \euh thu leh, Minister-te enkawl nan sorkarin sum a sen \euh \euh \hin thu te, sum renchemna ngaihtuahna avanga Minister zat bithliah chu Parliament-in Constitution a siam\hat chhan pakhat nia a hriat thu a sawi bawk.
Law Minister hlui, H. Rammawi chuan Mizoram pawh sum harsatna nasa tak tawh a nih mek laiin, Parliamentary Secretaries te chu Minister of State ang thlapa enkawl nan kum 2009 atanga tun thlengin Rs.30,00,00,000/- chuang ngawt mai Mizoram sorkarin a seng tawh nia a lan thu a sawi a, July ni 26, 2017 khan Supreme Court chuan Assam Parliamentaries Act, 2004 chu ram Danpui (Constitution kalh (Unconstitutional) tiin thutlukna a siam ta tih sawiin, hei hi Mizoram Parliamentaries Act, 2009 nen kalphung inang a nih avangin ram Danpui kalh a ni tih a chiang nghal a. Kum 2009-a Gauhati High Court-in order a lo siam tawh angin, tunah hian Gauhati High Court-ah ‘The Mizoram Parliamentaries Act, 2009’ chu hnawl (Quash) tur leh Parliamentary Secretary te ban vek turin hma an la tih a sawi.
Thuthar thehdarhtute a kawmna a H. Rammawi sawi danin, a Ukil, Senior Advocate, C. Lalramzauva chuan Gauhati High Court-ah Aug.  18, 2017 khan hma la \an lehin, Aizawl High Court Bench-a Division Bench an \hut reng loh avangin Gauhati High Court, Principal Seat-a an thu ngaihtuah tura a dilna chu Gauhati High Court-in a phalsak tawh thu a sawi a. Tunah hian an Ukil, TJ .Lalnuntluanga'n Gauhati-ah a chamchilh mek niin a sawi bawk.
Niminpiah a Mizoram sorkara Parliamentary Secretary te banna chhan chu Court Order avanga bang nih ai chuan tiin an bang ta dial niin MNF party chuan an ngai tih sawiin, "Parliamentary Secretary-te hi bang vek mahse, a Act (Dan) kha Quash turin High Court-a kan hma-lakna kan chhunzawm zel dawn a ni," a ti bawk.
Hetihlai hian Congress Party chuan nimin khan thuchhuah siamin Mizoram Parliamentary Secretary pasarih ten an nihna sang tak a\anga hreh miah lova an bang leh nakum inthlanpui lo awm mai tur atan Congress party-ah nasa zawk a thawk tura nihna thar lawm taka an pawm chu chhuanawm an tih thu an tarlang a. India ram hmundangah Parliamentary Secretary nei State dangte an awm ve lai leh Nagaland-ah phei chuan Supreme Court thutlukna Court-a an khin mek laia hetianga Supreme Court thutlukna zulzui a che hmasa berah Mizoram Parliamentary Secretary te an \ang thei chu fakawm an tih thu an tarlang a. An hotute inpekna leh huaisenna chu Zoram mipui hian an hriat reng dawn avangin nakum a inthlanpui ah pawh an tlin leh ngei an rin thu an tarlang bawk.

Popular News

Mizoram-ah Faina Hapta hman \an leh a ni

Retailer bukna diklo 3 man