NLUP hmalak zel dan tur sawiho

 NLUP Implementing Board chu nimin khan Aizawl-a NIB Conference Hall-ah \hukhawmin NLUP hnuaia ramngaw humhalh leh tuihna siam kawnga chak lehzuala ke pen dan tur an sawiho.
Nimin a NLUP Implementing Board \hutkhawm hi an Chairman, JH. Ro\huama chuan kaihruaiin he hunah hian NLUP thil tum pawimawh tak pakhat, ramngaw humhalh leh tuihna siam kawnga chak lehzuala ke pen turin hmalak dan thar ruahmanna sawiho a ni a; Nodal Department ah PHE hman tur niin hemi kawnga hmalak a chak lehzual theih nan Committee chhawng li- State Level, District Level, Block Level leh Village Level ah te siam niin member turte pawh ruat fel nghal a ni a, mipuite leh tlawmngai pawl te a tam thei ang bera inhnamhnawih tir tum niin heng ruahmanna te hi Chief Minister leh sorkar hotu lu te hnenah an pawmpui tura thlen leh tur a ni.
Hei bakah hian NLUP hmalakna te uar lehzuala puanzar tum niin hemi atan hian NLUP Line Department te hmalakna chi hrang hrang thlalak nen tarlanna lehkhabu siam tum a nih bakah NLUP Calendar 2018 siam tum a ni a, thiamna bik nei mi chi hrang hrang sawma NLUP nih-phung leh hmalak dan te, hmalakna in a nghawng rahchhuah chi hrang hrangte zirchian tir a, an zir-chianna report changtlung tak siam tum a ni bawk.
He \hukhawm hian NLUP Smart Village Scheme chungchang an sawiho bawk a, he scheme hnuaiah hian NLUP dawngtu khua pahnih Chhawrtui leh Phulpui lakluh tum niin an hmalak dan leh an khawtlangin NLUP nen kalkawp chunga hmalakna dang entawntlak si hlawhtling taka an kalpui dan te sawilan a ni bawk. He hunah hian NIB Chairman, JH. Ro\huama chuan NLUP kaltlanga hmalakna chi hrang hrangte mipui hriat theih tura tlangzarh lamah nasa lehzual a \an lak a \ul thu leh bihchian ngam an nih thu tihlan a pawimawh thu a sawi a. MLA bial tinah NLUP la dawng lo 200-400 vel \heuh a \ul dan azira pek leh tum anih thu a sawi bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai