National Level Monitoring Team ten Serchhip District a thingtlang khua ODF-a inpuang te enfiah tan

/
Serchhip District chhunga thingtlang khaw hrang hrangte chu Pawnler-a inthiar awmlohna, Open Defecation Free-a an inpuan hnuah nimin a\ang khan National Level Monitoring Team aiawh chuan ODF-a inpuanna hi a enfiah \an.
Swachh Bharat Mission (Gramin) hnuaia PHE Serchhip WATSAN Division te hmalakna kal mekah Serchhip District chhunga thingtlang khaw hrang hrang 35 te chuan Pawnler-a inthiar awmlohna, Open Defecation Free (ODF) Village-a an inpuan hnuah State Level Monitoring Team ten enfiah lehin, nimin a\ang khan National Level Monitoring Team hian an enfiah leh a. PHE Serchhip WATSAN Division-a Sr. Executive Engineer, Er. F. Lalsanglura hnen a\anga thu kan dawn danin National Level Monitoring Team a\ang hian Pandey-a chu rawn kalin nimin khan Serchhip a rawn thleng a, Serchhip District chhunga ODF khua endik tur hian khaw 6 thlan niin heng te hi Buangpui, East Lungdar, Sialhau, Hmawngkawn, Ngentiang leh Vanchengpui te an ni a, nimin tlai vek khan Buangpui khua enfiah tur hian kal nghal a ni a, khawdang enfiah tur te hi Fur ruahtui tla avanga a panna kawng ah harsatna a awm thu lo hrilhin, an en tho dawn nge, khawdang awlsam zawka tlawhpawh theih te an tlawh zawk dawn tih erawh chu he thu buatsaih lai thleng hian hriat theih ala ni lo a ni.
Ruahman lawk ang chuan National Level Monitoring Team te hian Serchhip District chhunga khaw 6 an enfiah hnuah Mizoram-a ODF-a inpuang pawh District dang te pawh an enfiah zui nghal dawn a, Serchhip District dawt-ah hian Champhai District tlawhin hemi hnuah Kolasib District leh Aizawl District te an enfiah leh dawn a ni.
PHE Serchhip WATSAN Division hotute chuan Serchhip District chhunga thingtlang khua te ODF-a an inpuanna Certificate chu peihfel a nih tawh thu sawiin, State Level-a enfiah a nih hnuah tunah hian an pawmpuina Certificate pawh peihfel a ni \ep tawh tih an sawi a, heng Cenrtificate te hi hun reilote ah khaw hrang hranga khawtlang hruaitute hnenah semchhuah a nih tur thu an sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »