Latest News

MZU-a Vice Chancellor nghet awmloh vang harsatna chungchang Larsap in zirlaite a sawipui

Mizoram Larsap, Lt. Gen. (Rtd) Nirbhay Sharma chuan Mizoram University-a Vice Chancellor nghet awm loh avanga zirlaite harsatna chu a hriatthiampui thu sawiin, hemi chungchang hi sorkar laipui-ah pawh vawi engemaw zat alo thlen tawh thu a sawi.
Mizoram University-a Vice Chancellor nghet an awm loh avanga zirlai ten Vice Chancellor nghet dah phut nana MZU-a Zirlai leh thawktute Pisa kai tur an dan kal mekah hian nimin khan Higher & Technical Education Commissioner, Benjamina, IDAS leh Mizoram University Students’ Council (MZUSC) leh Aizawl City College Joint Students’ Union (ACCJSU) aiawh te chuan Larsap hi a chenna, Raj Bhavan-ah kawmin MZU zirlai te harsatna tawh an sawipui a, he hunah hian Larsap chuan zirlaite harsatna chu a hriatthiampui thu sawiin, sorkar laipui-ah pawh vawi engemaw zat a lo thlen tawh thu a sawi a. Sorkar laipui pawhin a ngai pawimawh in, chingfel tura hma a lak mek thu a sawi a ni. Hei bakah hian Larsap chuan MZU-a zirlaite chu Vice Chancellor nghet an neih loh avanga a bik taka harsatna an tawh te chu amah hriattir turin a chah a. Acting Vice Chancellor-in hna mumal zawka a thawh theih nan \awiawm \ha turin a chah a. University an kal chhan te hre reng a, an zirlai ti\huanawp zawnga awm lo tura chahin, Vice Chancellor nghet pawh a neih thuai a beisei thu a sawi bawk. He hunah hian Mizoram University Students’ Council (MZUSC) hian Larsap hnenah hian Vice Chancellor chungchangah Memorandum an thehlut nghal bawk a ni.
Hetihlai hian Mizoram University Non-Teaching Employees Association (MUNTSA) chuan thuchhuah siamin MZU Vice Chancellor nghet dah thuai ngiat avanga Office a kal mumal theilo leh MZU zirlai leh Kendriya Vidyalaya naupang ten class an kal theilo chu pawi an tih thu an tarlang a, Vice Chancellor nghet ruat tura hmalakna muang lutuk chu \ha an tih loh thu leh, zirlai ten Vice Chancellor nghet dah thuai tura thuneitute an ngenna chu awm an tih thu an tarlang bawk.
Tarlan tawh angin Mizoram University Students Council (MZUSC) chuan Mizoram University-a Vic Chancellor nghet hun rei tak awm tawhlo chuan harsatna hrang hrang a thlen nia sawiin, VC thar dah turin sorkar laipui chu an ngen a. An huntiam chhunga an ngenna hi tih hlawhtlin a nih loh avangin MZU-a thawktu hrang hrangte Pisa kai tur chu an dang mek a ni.

Comments

Popular News (Last 30 Days)