MRB dinchamphaphak pualin damdawi In tlawh

Nimin Sept. 27, 2017 kha Mizoram Rural Bank din champhaphak vawi 34-na niin, Ser-chhip-a Mizoram Rural Bank Branch ten he ni pual thilpek Serchhip Damdawi In a awm te hnenah an pe.

Mizoram Rural Bank din cham-phaphak vawi 34-na pual hian MRB Serchhip Branch leh New Serchhip Branch te chuan Ser-chhip District Hospital-a awm damlo te tan a hran ve ve in damlo kanna thilpek sumfai, a hmuna kalin an pe a. MRB Serchhip Branch chuan damlo mal \heuh ah kanna sumfai pein, New Serchhip Branch chuan damlo rethei damdawi leina neilo leh thil dang mamawh leina neilo te tan Poor Fund-ah Rs. 4000/- an pe a ni.

MRB Serchhip Branch 2 ten thilpek an pekna ah hian Branch Manager pahnih, Francis Lalhmunsanga, Serchhip Branch leh John Lal-chhanhima, New Serchhip Branch te leh an thawhpui te an kal a. MRB han Serchhip District ah Branch 9 neiin chu’ng te chu Serchhip leh Serchhip bakah East Lungdar, North Vanlaiphai, Khawlailung, Bungtlang, Thenzawl, Chhiahtlang leh Chhingchhip te an ni a, Mizoram pumah Branch 86 a awm a ni. Tunah hian MRB hian ATM card an pechhuak a, heng te hi booth hrang hranga hman theih niin, Mobile banking an kalpui mek bawk. Serchhip Damdawi In-ah hian khum 50 awmin tunah hian nau neihna-ah khum ruak 7 leh General-ah 1 chauh a awm thung a ni.