MNF party sum dawn sawifiah

MNF Treasurer, Vanlalzawma MLA chuan nimin khan Aizawl a Mizo Hnam Run-ah thu sawiin Mizo Carbon a\anga sum an dawng nia sawi chungchang a sawifiah.
Nimin a Mizo Hnam Run-a thu a sawina ah hian Vanlalzawma chuan Minister, Zodintluanga'n Mizo Carbon neitu Ravi Gulgulia hnen a\anga MNF-in donation la anga a sawi chu a hriatsual a nih thu a sawi a. "Ravi Gulgulia hnen a\angin donation kan dawng lova, Ramu Gulgulia erawh chuan 2013 Election dawn khan MNF Party-ah donation pek ve a duh thu a sawi a, nuai 1 a rawn thawh ve a, lawm takin kan lo dawng a ni. Tin, heng hunlai hian Mizo Carbon chungchang hi sawi rik a la awm lo hrim hrim a ni," a ti.
He hunah hian MNF President, Zoramthanga pawhin thu sawiin Party hrang hrangin donation an la vek tih a sawi a, "Kan party office-ah pawh hian mi zawng zawng hmuh theihin donation pe te hming list \henkhat chu kan tar nghe nghe. State pakhat Minister pawimawh tak pakhatin 'vanpui a chim' ti niawm taka han puan chiam chiam mai chu a sawi tur hriat loh thlak hle," a ti bawk.
He hunah hian MNF President chuan 'he lam' leh 'khu lam' ah Congress chu an buai takzet tih sawiin, ZNP President, Lalduhoma'n kumthar thuchah a sawiah “Pu Hawla ten BJP zawm an hnial lo” tih a sawi Pu Hawla'n a chhang ngam lo chu mak a tih thu a sawi a. "Anni chu an Party thuthlungah hian duh lam lama kal hi a thiang a, Congress hi rin aiin an dup tawh a ni. In rin loh \ha \ha thurchhuah tur an awm mai thei a, a ti hlawm \ha thurchhuah tur an awm mai thei a ni," a ti bawk.

Popular News

Retailer bukna diklo 3 man

Hmeichhia te hmasawnna tura hmalakna chungchang thlirho.

Mizoram-ah Faina Hapta hman \an leh a ni