MNF in Kawng chhe lutuk avanga mipuite thlavang hauhin naktuk-ah Total Bandh huaihawt dawn

MNF chuan kawng chhe lutuk avanga harsatna tawk mipuite thlavang hauhna Total Bandh chu tun thla ni 14, naktuk khian Mizoram pumah an nei dawn tih sawiin, Zoram mipui zawng zawngte \awiawmna an ngen a. Hetihlai hian ZNP chuan MNF chu kawng chhia avanga Total Bandh siam tura an inhmeh loh thu an sawi thung.

MNF Party in Total Bandh huaihawt an tum chungchangah hian nimin khan MNF Sr. Vice President leh Action Committee-a Chairman ni bawk, Tawnluia chuan Aizawl Press Club-ah thuthar thehdarhtute kawmin Total Bandh huaihawt an tum chhan a sawi a. He hunah hian Tawnluia chuan kum 9 zet Congress sorkar kan hrawn chhung hian Mizoram-ah a Fur a |hala kawngpui zawh tlak mumal a awm loh avangin mipuite’n harsatna nasa tak kan tawk mek nia sawiin, KM 1463-a thui National Highway leh KM 4731-a thui State Roads te chu neitu leh enkawltu mumal awm lo ang maiin khawtlang hnatlangin a siam\hat hna kan thawk \hinin lirthei neitute leh enkawltute mangangin hnatlangin a siam\hat hna an thawk bawk tih a sawi a. Kawng chhia avangin khualzin phur Bus, Maxi Cab leh a dangte chu service thei lovin an nuar a, motor chuan man a to va, ei leh bar phurh man a to a, chakkhai lamna kawngpui ber a chhiat em avangin mipuite’n harsatna namen lo kan tawk mek tih a sawi.
Tawnluia chuan kawngpui chungchanga Nov. ni 21, 2014-a Dr. K. Beichhua, MLA in Assembly House-ah Private Member Resolution a putluh leh Oct. ni 16, 2015-a Assembly House-a Vanlalzawma, MLA resolution putluh te chu hnawl a nih tawh thu sawiin, MNF chuan Oct. ni 13, 2015 khan ‘Kawng siam \hat phutna kawngzawh’ pawh an lo neih tawh thu a sawi a. Kawng siam\hatna hun \ha tam tak nei chung pawha mipuite harsatna sutkian an tum si loh avangin hreh tak chungin MNF party-in kawng chhe lutuk avanga harsatna tawk mipui thlavang hauhna TOTAL BANDH hmanga lantir a lo \ul ta nia sawiin, mipuite mangang authawm hian sorkar hi beng harh se an duh takzet tih a sawi bawk.
MNF Sr. Vice President chuan kawng-pui \ha neih chu ram hmasawna hnukpui berte zing ami a ni tih an hriat thu pawh sawiin, “Kan ram kawngpui dinhmun kan thlirin kan rilru a na a, siam\hat hnathawk theite’n an siam duh bawk si lo hi vanduaithlak kan ti takzet a ni,” an ti a, “Kum 2018 MLA Inthlanpui a MNF Party in Sorkarna kan siam chuan kan ram chhhunga kawngpui chhe lutuk hi a \ha thei ang bera siam turin hmalakna a kalpui dawn a ni,” a ti bawk.
Hetihlai hian ZNP chuan MNF in kawng chhe lutuk avanga harsatna tawk mipuite thlavang hauhna atana Total Bandh siam an tum chu MNF nen a inhmeh loh thu nimin khan thuchhuah siamin an tarlang thung a. ZNP chuan MNF an sorkar laia Mizoram kawngpui a chhiat ve tho zia mipuiten an sawi thar leh hun remchang an siam sak mai ni ah an ngaih thu sawiin, MNF chu Total Bandh siam tur hian an inhmeh lo tih an tarlang a, thil an nawrna leh phutna ah hian Total Bandh hi a tuartu chu mirethei, nitina eichawp dapte an nih avangin hmanrua-a hman fo chi ah an ngailo tih an sawi a. Kumin budget-ah kawng siamna tur cheng Vbc 897.14 dah a nih thu pawh tarlangin, heti khawp sum awm chung hian kawng hi a chhe em em reng tih an tarlang a. Mipuite hian kawng \ha tak chu an beisei ngam tawh lo nia tarlangin, amaherawhchu a khuar zual laite han hnawh-khah a, roadroller-a han chil mam a, tlan theih \awng \awng tura siam chu an beisei tih an sawi.
ZNP chuan MNF sorkar laia Bawng-kawn kawngpui peng\huam zauhna tur vantlang tana Lal\ha-i lo hlan tawh chu chhuichiang ngei tura Mizoram sorkar an duh thu sawiin, MNF Gen. Hqrs. President hminga Land Lease siam ni si, Dr. Don Sapremsanga Holliday-in cheng nuai 150-a a hralh leh daih thei chu chhuichiang a, thudik mipui hriata puang ngei turin sorkar an phut bawk.

Popular News

Mizoram-ah Faina Hapta hman \an leh a ni

Retailer bukna diklo 3 man