MNF in CM hnenah ngenna thlen nawn leh

MNF General Hqrs. hruaitute leh MNF |halai hruaitute chuan nimin khan Chief Minister leh Chief Secretary hnenah Mizoram Sorkarin Lottery a kalpui dan leh Zo Carbon chungchang CBI chhuitir tura ngenna lehkha an thehluh tawh bawhzui nan ngenna lehkha dang an thehlut leh.
MNF Party te hian hemi hmalama Chief Minister hnena lehkha an lo thehluh tawh chu bawhzuina leh hmalakna awm lovin a inchiah rei lutuk tawh niin an sawi a, hei hi hma la a rang taka bawhzui turin an ngen nawn leh tih an sawi a ni. Chief Minister hi a pisa-ah a awmloh avangin MNF party te hian a Private Secretary hnenah lehkha hi pe in, lehkha an thehluh nawn leh chu Chief Minister in a lo hmuh ngei an beisei thu leh, hma lo laksak nghal turin thu an thlen nawn leh a ni.
MNF Party hotute chuan Chief Minister, Lal Thanhawla'n Lottery leh Zo Carbon chungchang chhui tur hian MNF-te chu puih a inhuam thu a lo sawi tawh niin an sawi a, an inthlahrung a nih pawhin an aiawh a hnena tir mai turin thu a lo sawi tawh avangin hei hi bawhzuiin MNF chuan GAD General Secretary, C. Lalrammawia hmingin lehkha te hi an lo thehlut tawh a, a thu lo sawi tawh sutna a la neih loh avangin MNF chuan Lottery leh Zo Carbon chungchang CBI chhuitir ngei tur hian a tawp thlengin nasa taka nawrzui an tum tih an sawi bawk.

Popular News

Mizoram-ah Faina Hapta hman \an leh a ni

Retailer bukna diklo 3 man