Mizoram-ah ‘World Day of the Deaf’ hman a ni; Mizoram-ah Beng thalo hmuhchhuah an tam

Nimin khan Health Minister, Lal Thanzara hovin ‘World Day of the Deaf’ pualin hun hman a ni a, sorkar kum kal mek kum 2017-2018 ah kumin August thla thleng khan Mizoram-ah damlo 11,696 te enfiahna a\angin Beng \halo hmuhchhuah 7013 an awm a ni.
World Day of the Deaf puala inkhawm Assembly Annexe Building-a neih ah hian Health Minister, Lal Thanzara chuan tunhma lam chuan Bengngawng te chu kan be nawmnah nasain nuihza siam nan kan hmang fo \hin tih sawiin, hei avang hian anmahni pawh inkiltawihin, mahni inhmuhhniamna an nei phah a ni, a ti a. Tun dinhmunah pawh Hearing Aid, Bengri hriatna khawl kan la pawm \halo hle tih sawiin, Hearing Aid vuahte chu kan endan a dan nghal deuh zel thu leh kan rilru puthmang diklo hi kan thlak a \ul thu a sawi a. Beng \halote chuan endawng an hlawh avangin zaizir an zir \ha duhlo fo chu pawi a tih thu sawiin, zaizir hi thil mak en-a en lovin mipuite hian kan pawmthiam a pawimawh thu a sawi bawk.
World Day of the Deaf puala inkhawm hi National Health Mission hnuaia National Programme for Prevention and Control of Deafness (NPPCD) buatsaiha neih niin ‘Full Inclusion with sign language’ (Zaizir nen chuan engkimah kan telve thei) tih chu kumin thupui atan hman a ni a, ‘World Day of the Deaf’ hi kumtin September thla Pathianni hnuhnung bera hman \hin niin remchang zawkna avangin Mizoram-ah chuan nimin khan hman a ni a. Granville Richard Seymour, Philadelphia, USA a piang, a naupan laia damlohna avanga bengngawng, a chhungten theihtawp chhuaha an enkawlna avanga lemziak leh drama a khawvel pumpuia hming chher ta hriatreng nana hman \hin a ni.
National Programme for Prevention and Control of Deafness (NPPCD) hi India ramah August 2006 a\ang khan kalpui niin Mizoram-ah chuan August 2014 a\ang khan kalpui a ni a. National Programme for Prevention and Control of Deafness (NPPCD)-in a tumte chu – Bengngawng leh Beng\halo hmuhchhuah hmaa theihtawp chhuaha enkawl te, tlawmngai pawl hrang hrang leh mimal nena thawhhona \ha siam te, hnathawktu training pek \hat te, ri hriatna \halo chungchanga mipui zirtir leh inhrilhhriatna neih te a ni a. Sorkar kum kal mekah hian kumin August thla thleng khan Mizoram-ah damlo 11,696 te enfiahna a\angin Beng \halo 7013 hmuhchhuah an ni a, mi 96 te Bang zai an ni bawk.

Popular News