Mizo leh Chakma chungchang ah JNU-a Mizo Students' Forum ten PM Office-ah Memorandum an thehlut

Jawaharlal Nehru University (JNU)-a Mizo Students' Forum chuan Mizo leh Chakma te buaina chungchangah nimin khan Prime Minister Office, New Delhi-ah Memorandum an thehlut a, he Memorandum-ah hian Chakma chungchanga buaina hrang hrang bakah Central Sorkar in he harsatna chingfel tur a an tih tur pawimawh te tarlan a ni.
Jawaharlal Nehru University (JNU)-a Mizo Students' Forum chuan Mizote chu India ram a kan awm theihna tur atana Ram Danpui chhunga Article 371 G hnuaia humhalh bik kan nih thu tarlangin, chu chuan kan hnam nun dan Sakhua leh hmanlai a\anga kan lo chin \han thil hrang hrang te humhalh bikna min pe tih an tarlang a, India ram mi tluklehdingawn chuang awmna ah hnam tlemte nuai 10 emaw awrh niin kawng hrang hrang ah hnam lian leh chak zawk ten an chimral mai lohna tur atan a inven himna ‘Special Provision’ constitution-ah pek kan nih thu tarlangin, “Mizoram-a cheng hnamdang te nen pawh harsatna lian lutuk leh tharum thawhna te awm em em lovin kan cheng ho a, amaherawhc hu tunhnai ah Dan lova Mizoram rawn lut Hnamdang te nen buaina a awm ta zeuh zeuh a, he buaina chingfel tur hian Central leh State Sorkar ten mawhphurhna lian tak an nei ve ve,” an ti a, chung an mawhphurhna tihlawhtling tura an duh te chu an tarlang bawk.
JNU-a Mizo Students' Forum chuan Mizoram chhung a dan lo-a Chakma leh hnamdang te pawh zalen tak a an rawn lut \hin ni a lang chu mumal taka hmalakna leh khuahkhirhna a awm loh chuan buaina nasa zawk ala thleng thei tih tarlangin, hmalak a \ul thu te; Mizoram-a Chakma pun dan chu Census Data leh record hrang hrang enin rinhlelh rual lohin abnormal population growth hi a awm nia a lan thu te; Citizenship Act Amendment Bill 2016 chu Constitution Article 14-na bawhchhiatna lian tak nia an hriat thu leh Minority te tana himlo tur Dan leh policy engmah mipuite barhluih lo tura an phut thu te; Mizoram chhung leh pawna Chakma mimal leh pawl hrang hrang te Mizote nen a inhuatna chi tuh leh Mizote apawng a puia tih hmingchhiat tum lo tura an hriattir thu te; buaina te chingfel tur hian sorkar hmalakna a mumal taka dawhkan kilho a \ul thu leh Mizoram chu hmun pawimawh la ni tur avangin India sorkar tan ngaihthah theih a nih loh thu te pawh an tarlang bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai