Kumin chhungin Bank Account leh Aadhar Card zawm ngai

State Bank of India (SBI) Lead Bank Office chuan, mipuite chu kumin December ni 31 hmaa an Bank Account leh Aadhar Number thlunzawm vek turin a hriattir.
Sorkar Laipui thuchhuak angin, Bank Account leh Aadhaar Number thlun-zawmlo te chuan nakkum January ni 1 a\angin an Account-a pawisa an lachhuak thei dawn tawh lo a, hemi vanga mipuiten harsatna an tawh loh nan a rang thei ang bera an Bank Account leh Aadhaar Number thlunzawm turin a hriattir a ni.
SBI chuan, Bank Account leh Aadhaar number thlunzawm hi Bank hnathawkte mawh-phurhna a nih avangin an hnathawkte chu nasa zawka \anla turin a chah a. Anmahni dawrtuten harsatna an tawh loh nan huntiam ralhmaa an huamchhung \heuhah a theih ang anga hmala turin a hriattir bawk.
Sorkar laipui, Finance Ministry hnuaia Department of Financial Services chuan tunhnaia Bank Account leh Aadhaar number thlunzawm tura hriattirna hi a tichhuak a, hemi bawhzui dan tur hi kar kalta zirtawpni khan Aizawl Bawrhsap, Kannan Gopinathan hovin Aizawl khawpui chhunga Bank hrang hrang Manager-ten an sawiho a. Kannan Gopinathan chuan, Sorkar laipuiin Prevention of Money-Laundering (Maintenance of Records) Rules, 2005 a siam \har angin Bank hotute chu an hnuaia Account neiten Aadhaar Number nen an thlunzawm vek theih nan hmala turin a ngen a ni.

Popular News

Mizoram-ah Faina Hapta hman \an leh a ni

Retailer bukna diklo 3 man