Intodelh duh vangin MPSC in fee an ti to tih an sawi

Mizoram Public Service Commission (MPSC) Chairman, PC. Lawmkunga chuan MPSC-in exam an buaipui \hina Fee a to chhan chu sorkar in intodelh tura a tih vang a nih thu a sawi.
MPSC Chairman leh member \henkhat ten nimin a an Office-a chanchinthar thehdarhtute an kawmna ah he thu hi sawiin PC. Lawmkunga chuan, MPSC chu sum lalut tur ni lo mah se sorkar sum harsat avangin Exam Fee leh Application Form hralhna a\anga sum an hmuh chu sorkar sum bawmah an chhung lut ve \hin tih a sawi a. Sorkar kum kal mekah sorkarin sum thawkchhuak tura a tuk zat cheng nuai 26 chu an khum tawh niin a sawi a, an sum hmuh an duh ang anga hmang anga sawi awm chu thu di lo a nih thu sawiin, dan dik tak hmangin sorkar sum bawma an dah luh bakah an mamawh pawh an lachhuak \hin niin a sawi bawk.
MPSC Chairman chuan nikuma Staff Nurse lak tura MPSC-in a rawtna sorkarin a hnawl chhan chu Declaration Form-ah an  hming an ziah loh vang niin a sawi a. Declaration form-ah hian member-te laina an tel lo tih ziahna tur chiah a awm nia sawiin, nikum a nurse lak turah MPSC-a thawk laina te an tel ve si avangin hming hi ziaklo mai an ni tih sawiin, Declaration form-ah hian hming hi ziak ta se dawt sawi an ni zawk dawn tih a sawi bawk.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.