HPC (D) nen inbiakna nei leh

Remna kawng zawnga Mizoram sorkar leh HPC (D) hruaitute inbiakna chu nimin khan Aizawl-a State Guest House Conference Hall-ah boruak \ha tak hnuaiah chhunzawm a ni.
He inbiakna hi chawhma dar 11:00-ah \anin tlai dar 4:00 velah chawlhsan lailawk a ni a, sorkar aiawhte chu Additional Secretary Home, Lalbiakzama'n a ho a, amah \awiawmtute chu Special Invitee, Rural Development Department Director, Lal-hriatpuia, SP (CID), Rodingliana Chawngthu, Deputy Secretary Home,  Lalthanzuala leh OSD Home, David H. Lalthangliana te an ni a. HPC (D) aiawh mi 6-te chu an Working Chairman, Lalthangliana Hmar in a ho a, midangte chu Lal\haliana, Lalthlamuana, Dr. John Pulamte, David Buhril leh Lalmuanpuia te an ni.
Sorkar lam a\anga thudawn danin nimin a inbiaknaah hian Frame Work of Agreement lo siam tawh anga Sinlung Hills Council din tur atana Bill duan lailawk sawiho a ni a, he Draft Bill hi pawl pahnih inbia te chuan \ha tawkah an ngai a ni. Hei bakah hian inremna thuthlung, Memorandum of Settlement duan lailawk pawh an thlir tel a, a tlangpuiin \ha tawk ah pawl pahnih inbia te hian an ngai a ni. 
Inbiakna hi Vawiin chawhma dar 11:00-ah a hmun pangngai ah chhunzawm leh a ni ang a, hetah hian hmabak la awm te sawiho a ni ang a, chung zingah chuan remna thuthlung siam tur anga HPC hel pawl nun pangngaia lo let tur te inben-belna tura \anpuina leh chhawmdawlna pek dan tur pawh a tel dawn nia thudawn a ni.
Tarlan tawh angin he inbiaknaah hian tun hmalam a\anga an lo neih tawh, Sinlung Hills Development Council chu Sinlung Hills Council tia a hmingthlak remtih a ni a, he Council-ah hian mipui thlan Councillor 12 bakah ruat seat luah tur Councillor 2 dang an awm ang a, Council-ah chuan hruaitu turin Chief Executive Councillor a awm ang a, Chairman, Vice Chairman leh Executive Councillor 4 an awm bawk dawn a ni. 

Popular News