Horticulture Department Officer te hleih nei ah puh

Mizoram Nursery Owners Association (MNOA) chuan thlai \iak supply chungchangah Horticulture Officer \henkhat te chu hleih neia thil ti \hinah an puh.
Inrinni khan Nursery neitute hian Sairang Sihhmui-a Nursery-ah thuthar theh-darhtute kawmin Horticulture Department Officer \henkhat chu an chhungte leh \hian hnaite hminga firm siamin chumi hmang chuan thlai \iak te an supply \hin niin an sawi a. A tak taka hna thawktute chu ngaihsak an ni lo nia sawiin, “Chhung-khat leh \hiantha induhsak nan Nursery an hmang hi kan duh lova. Hetia Department Officer ten thil an tih avang hian kan tan leirem rah ngaihna a awm lo a ni,” an ti. Nursery neitute chuan thlai \iak supply tur chu department lamin an sawi lawk duh ngai lo nia sawiin, thlai \iak supply tur an lo inrin ve \hin pawh an thlak \hin avangin an thlai \iak neihsa pawh supply thei lovin an awm \hin tih an sawi a, sum tam tak an seng thlawn tih sawiin, hetihlai hian Tender chhang lova thlai \iak supply pek an awm niin an sawi bawk.
Mizoram Nursery Owners Association (MNOA) President, Augustine Lalhualhima chuan sorkar laipui a\angin kumtin kuthnathawktu te tihhmasawnna atan pawisa vaibelchhe tam tak a lokal nia sawiin, hengte hi department officer \henkhatte chuan an chhungte leh \hian \ha te thurualpuiin tunhnai thla 2/3 chhung lekin thlai \iak tam tak an supply niin a sawi a. Heng nursery-te hi an license cancel a nih hma chu an nawr zui zel dawn tih sawiin, tunhnaia thlai \iak supply anga an sawite pawh an supply ngei em tih pawh a chiang lo niin a sawi bawk.
Zawhna chhangin Nursery neitute chuan an thlai \iak chu a Chi Horticulture department a\angin an la \hin tih an sawi a. Department lamin a rep char avangin an Nursery pawh a \ha thei lo niin an sawi. Tun dinhmunah Mizoram pumah Nursery nei mi 68 awmin heng zinga 26 chauh a dam (valid) niin Press mite an hrilh bawk.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.