Electoral Roll Special Revision neih tur atan Serchhip District-ah Draft Electoral Roll tarchhuah a ni

Nakum January ni 1-a kum 18 tling chin te laa Electoral Roll siam\hat hna thawhna tur, Electoral Roll Special Summary Revision neih tur atan nimin khan Draft Roll tarchhuakin Electoral Roll siam\hat hna thawh \an a ni a, nakum January ni 15-ah Final Electoral Roll tarchhuah a ni ang.

Electoral Roll Special Summary Revision neih tur atana Draft Electoral Roll hi nimin khan Serchhip District Election Officer, Sangchhin Chinzah chuan a Office Chamber-ah tlangzarhin mipuite rorelna ram a cheng kan nih angin India khua leh tui dik tak, kum 18 tling chinte chuan Electoral Roll kan ngai pawimawh tur a nih thu a sawi a. Electoral Roll-a hming chuan chu khua leh tui ten kan chanvo a nih ang ngeiin ram hruaitute thlan hunah pawh vote kan thlak ngei \hin tur a nih thu a sawi a. Nakum, 2018 hi MLA thlan kum te alo nih tawh avangin kumin Summary Revision hi Summary Revision kan neih theih hnuhnung ber a ni thut thei tih sawiin, chuvang chuan kumin Summary Revision hi mipuiten ngaihven lehzual se a \ha a tih thu a sawi bawk.

Election Commission of India in ruahmanna a siam angin Electoral Roll 2018 Draft Roll tlangzarh hun ruahman angin Serchhip-ah hian Draft Roll hi tlangzarh a ni a. Draft Roll tarchhuah a\ang vek hian Electoral Roll a hming thun thar duh tan dilna thehluh hun hawn \an niin, nakum January ni 1-a kum 18 tling turte tan Roll-a inthun luh hi dil theih a ni ang. Hei bakah hiaan Electoral Roll-a Hming paih ngai paihte, hming ziahdan siam \hat leh thil \ul dangte pawh dilna hun hi hawn nghal a ni bawk. Dilna hi 13.10.2017 thleng thehluh theih a ni anga, dilna hrang hrangte hi enfiah a nih hnu Nakum January ni 5-ah Electoral Roll thar chu tarchhuah a ni ang.

Nimin a Draft Roll tarchhuah tak a\anga a lan danin Serchhip District-ah hian Assembly bial pathum (3) awmin Polling Station 77 a awm a, General-ah vote nei mipa 23,352 leh Hmeichhia 24,347, an vaiin 47,699 awmin Service Voters Mipa 371 leh Hmeichhia 105, an vaiin 476 an awm a. Heng te nen hian District pumah vote nei Mipa 23,723 leh Hmeichhia 24,452 awmin Vote nei zawng zawng hi 48,175 an ni.

Constituency mal-ah 26-Serchhip AC chu Vote nei tamna ber niin vote nei 17,258 an awm a, Polling Station 23 a awm a. 28-Hrangturzo AC ah Polling Station 25 awmin Vote nei 15,290 an awm a, 27-Tuikum AC-ah Polling Station 29 awmin vote nei thei 15,151 a awm bawk a ni.

Electoral Roll Special Summary Revision neih bakah hian Continuous Updating chu kalpui reng niin kumin January ni 5-a Electoral Roll thar lo tarchhuah leh nimin a Draft Electoral Roll, 2018 tlangzarh inkara Continuous Updating kalpui chhung hian Serchhip A/C ah mi 240, Tuikum A/C ah mi 67 leh Hrangturzo A/C ah mi 66, a vaiin mi 373 te chu Electoral Roll-ah hian thunluh thar an ni bawk.