Damlo enkawlna hmanraw tha NEDP atanga lei turin sorkar in hma a la mek - Chief Minister

Chief Minister, Lal Thanhawla chuan Mizoram Doctor ten \angkai taka an hman tur hmanraw \ha leh bungraw \ha chu NEDP a\anga lei turin sorkar in hma a la mek tih a sawi.
Nimin a Aizawl New Secretariat Complex-a Directorate of Hospital & Medical Education Office Building thar hawnna hunah Chief Minister, Lal Thanhawla chuan he thu hi sawiin hmanrua leh bungrua a awm loh vanga sum tam tak senga Mizoram pawnlam Damdawi In te pan a nih tawh lohna turin hmanraw \ha leh bungraw \ha, Mizoram Doctor ten \angkai taka an hman tur chu NEDP leh kawng dang danga dap leh hmanraw siamtu company te hnen a\anga lei turin sorkarin hma a la mek tih a sawi a. Medical College din pawh, Mizoram ang state tenau tana thil harsa ni mahse MBBS seats Mizoram in a neih te tih tlem chhoh zel a nih takah chuan, sorkar thuneituten kan state theihna zawng zawng sawmkhawm in tih ngei \ha a an hriat leh an remhriat angin an kalpui mek a ni, tiin, hnathawktu tur engemaw zat lakna tur pawh Central sorkar a\anga phalna hmuh a nih tawh thu a sawi a. Thenzawl a Ayush Hospital hawn chu hlawhtling a tih thu leh sum lama mi harsa zawk leh mirethei te tan a hlu tih sawiin, Ayush hmanga inenkawlna chak zawka Mizoram-ah kalpui a nih theih nan Ayush chu Directorate puitlingah hlan thuai sorkar thuneitu ten an duh tih a sawi bawk.
Chief Minister chuan kan natna tam zawk chu kan hriatloh vang te, tih tur leh tih loh tur kan hriat loh vang leh min hrilhtu kan neih loh avanga kan vei nia a lan thu sawiin, “Heng ah hian kan Doctor te hi min hrilh hre tu, min kawh hmuh tu leh min zirtirtu ni turin kan beisei a. Chu chu Medical Education \ha tak a nih pawh ka ring a. Zirtirtu leh Doctor te file khawih chu mihring an nih avangin 'Hna Zahawm' tih a ni a. Rawngbawlna rilru pu-a thawh a ngai a ni,” a ti bawk.
Directorate of Hospital & Medical Education Office Building thar hi Oct. 9, 2013 khan Special Plan Assistance, Planning Commission \anpuina sum cheng nuai 825.01 senga sak \an a ni a, kumin March thla khan sak zawh niin a building hi chhawng 5 niin a pumpui lenzawng belhkhawm chu sq.metre 3105.26 a ni a. DHME building-ah hian Elevator in bunna tur dahawl niin, RCC tuizem litre 20,000 leng pawh dah tel a ni.

Popular News