Chief Minister, Lal Thanhawla’n Thenzawl-a Sorkar hmalakna kalmek a hmunah a tlawh

Chief Minister, Lal Thanhawla chuan Inrinni khan Thenzawl tlawhin Central Agriculture University hnuaia College of  Horticulture and Forestry Complex sak mek tlawhin 18 hole Golf Course hnathawh mek a tlawh bawk a, College of Horticulture and Forestry sak mekah hian nakum March 1-ah Class \an hman tum a ni.

Chief Minister, Lal Thanhawla hian Thenzawl khua a tlawhna ah hian cheng vbc. 440 senna tura ruahman College of Horticulture and Forestry Complex sak mek hi tlawh hmasa berin he project vil tura Central sorkar in an dah Engineer, Rajesh Kanna leh a hnathawktu Company hotuten an lo dawngsawng a. An hnathawh meka harsatna an tawh hrang hrang te leh nakum March ni 1 a\anga he hmunah ngei Class kal \an a nih theih nana Mizoram sorkar lam a\anga an mamawh hrang hrangte an lo thlen a. Heng an thil thlen zingah hian a panna kawng chungchang te, P&E Department leh PHE lam a\anga Estimate te bakah a sira mimal ram neitute nena harsatna awmpalh thei chungchang te chu a langsar zualte an ni a. Heng an mamawh hrang hrangte hi Chief Minister hian a theih anga ranga ngaihtuah a tum thu thawktute hi a hrilh bakah Thenzawl khawtlang hruaitute leh a chhehvela ram neitute chu hnathawktute lo \anpui tura ngenin, State dangte it em em College tha kan ram hmasawnna tura thil pawimawh tak a nihzia lo hre reng turin a chah a ni.
Horticulture College zirna, Bachelor of Science, Honour of Horticulture hi nikum a\ang khan Selesih-a College of Veterinary Science & Animal Husbandry Complex-ah lo kalpui \an tawh a ni a. Hetah hian zirlaite an len tawh loh avangin Thenzawl-a Ministry of Tribal Affairs sum hmanga sak, Tribal Girls Hostel chu lo hman lailawk mai theih a nih leh nih loh enfiahin Chief Minister hian a tlawh leh nghal a. He Building-a room pakhat chu NEILIT Study Centre atana hman niin a dang zawng hi Bachelor of Science, Honour of Horticulture zirlai, First Batch mi 18 leh 2nd Batch mi 17 te tana lo hman lailawk theih nia hriat a ni.
College of Horticulture & Forestry sak mek hi nakum March thlaah chuan Prefab Building leh Block dang paruk (6) chu peih hman tum a nih anga peih a nih chuan insuanluh zui mai tur a ni dawn a ni. College of Horticulture & Forestry atan hian Central Agriculture University chuan cheng Vbc. 440 a ruahman a, heta \ang hian a thawhkhatna atan Prefab Building sakna tur bik sum cheng vbc. 88 chu pekchhuah tawh niin hna hi ngawrh taka thawh mek a ni.
Hemi hnu hian Chief Minister chuan Incredible India programme hnuaia Integrated Development of New Eco-Tourism Destination under Swadesh Darshan- North East Circuit hmalaknaa 18 Hole Golf Course hnathawh mek chu a tlawh leh nghal a. He hmalakna hi Ministry of Tourism, Government of India hnuaia thawh niin Project Consultant chu Fore Consultant Private Limite an ni a. A implementing Agency chu Mizoram Tourism Development Authority an ni. He hnathawh mekin Formation Cutting nasa taka thawh tawh niin, Cottage te pawh Russia ram bung pakhat, Siberia a\anga thing \ha chi hmangin engemaw zat sak mek ani a. Tunlai hian ruah a tlak nasat avangin thawktute hi an chawl lailawk rih a. Hetianga khua a nawm chhoh zel chuan hna hi chhun-zawm leh mai tur niin an sawi.
Thenzawl tlawhtu Chief Minister hi Social Welfare Minister, PC. Lalthanliana leh Mizoram State Chief Information Commissioner, Lalduhthlana ten an \awiawm a, Thenzawl SDO (C) mawhphurhna la mektu Abraham B. Khithei, MCS leh Official ten lo dawngsawngin Chief Minister hian Thenzawl-a Congress party mi leh sa kim 60 chin chunglam te chu zanriah a kailpui nghal bawk a ni.

Popular News