Chief Minister in Irrigation & Water Resources Department (I&WRD) Office Building thar a hawng

Chief Minister, Lal Thanhawla chuan nimin khan Aizawl New Secretariat Complex-ah Irrigation & Water Resources Department (I&WRD) Office Building thar a hawng.
Irrigation & Water Resources Department Office Building thar hawnna hunah hian Chief Minister chuan Mizoram in hmathlir thui tak neia hma alak chhoh mek zelah Irrigation tenau ringawta innghah a theih reng dawn loh tih a hriat vang te, buh leh bal, ei leh in kawnga intodelh nan irrigation a pawimawh avanga hna lian zawk thawk thei turin Minor Irrigation Department tih \hin chu Irrigation & Water Resources Department ah thlak a nih thu a sawi a. Mizoram State chu kum 30 upa a nih tawh thu sawiin, mihring mihrinna a\anga teh pawhin kum 30 chu puitlin hun tawh a nih thu leh heng hun chhunga Department tam tak te pawhin mahni puala Office building thar an neih tak zelah chuan puitlin zia an chhuah a, an hmunhma thar te chuan an efficiency pawh a tihsan chhoh zel a mipui ten an beisei thu a sawi a. "Department hrang hrang hnathawktu kan Officer te zingah a beneficiary, mipui te aia changtlung zawk, engkim nei an awm te hi a mawi em? Beneficiary te aia huan nei \ha zawk, thlai \iak nursery nei \ha zawk, Sangha chi nursery nei \ha zawk, sangha dil nei \ha zawk, buh hmun leh thlai hmun nei \ha zawk te hian an hmalakna ah hlawhtling an inti em? An chawikan tur kuthnathawktute an la berh em em laia anmahni lo inhmakhua hi thil tihchi a ni em? tih hi an inbihchianna turah ngai se kan duh," a ti a. Mirethei chanai laksaktu chungah sorkar chu a thikthu a chhe hle tih a sawi bawk.
Mizoram mipui tam berin eizawnna atana an hman mek, Agriculture & Allied Sector huang chhunga theihtawp chhuah chu mithiam ten a hlawk ber tura an ngaih thu sawiin Chief Minister chuan, chumi hawi zawng chuan sorkar ang leh sorkar hnathawktu leh kuthnathawktu te pawhin \hahnem an ngaih a \ul dawn tih a sawi a, Agriculture & Allied Sector nawrkal turin Irrigation a pawimawh takzet tih pawh sawiin, tuikawng \ha zawk siam a, tui harsatna hmun tam tak te thlai hmun atana chantir a, hralh tham leh company te pawn 'tam' an tih zah tharchhuah a nih theih nan I&WRD, Horticulture, Agriculture leh Agriculture & Allied Sector huang chhunga hmalakna zawng zawngah te \anlak a ni dawn tih a sawi bawk.
Irrigation & Water Resources Department (I&WRD) Office Building thar hi Dec. 10, 2010 khan LIC (P) sum hmanga sak \an niin a sak zawkna atana senso zawng zawng chu cheng nuai 754.22 a ni a. I&WRD Office Building hi chhawng 7-a sang niin a chhawng zawng zawng te belhkhawmin he building len zawng chu Square Metre 3490 a ni a; He building-ah hian Lirthei 14 hun theihna hmun siam tel a ni bawk.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.