Aizawl-ah ZPM Office thar hawn a ni

Zoram Peoples’ Movement (ZPM) chuan nimin khan Aizawl Tresury Square-a MPC Office building Group Floor-ah an Office thar an hawng a, Rev. Dr. K. Thanzauva’n Office thar Pathian hnena hlanna a nei a ni.
Zoram Peoples’ Movement (ZPM) Office thar hawnna hun hi ZPM Chairman Upa Lalliansawta chuan kai-hruaiin Lalfakzuala IAS Rtd. ZPM Val Upa Council Chaiman in Office hawnna hi a nei a, ZPM General Secretary, K. Sapdanga chuan MLA inthlan apiangin mi tam takin phurlo takin vote an thlak \hin tih sawiin, “Kum 2018 MLA inthlan a\ang chuan sorkar \ha, hnam himna thlen tur, mipui sorkar din theihna tur a inhawn tak avangin phur takin mipuiin vote an thlak thei tawh ang,” a ti a. “Symbol langsar pathum a lo awm anga, symbol pahnih te chu kalkawng chhiat chhana inpuhtawn pawl pahnihte symbol a ni anga a, symbol thar erawh chu, Kalphung Thar-a mipui sorkar din tumte Symbol a ni thung ang, duhthlang tura inngaihtuah buai a ngai tawh dawn lo a ni,” a ti.
He hunah hian Zoram Democratic Front-a Chairman, Rev. Darchungnunga chuan ‘Pastor leh Upa ni si, ram rorelna lam hawia an kal ta vak mai chu engvang nge?’ tih zawhna awm thei tih sawiin, “Mizoram-a Party Politics leh ram rorelna kan kal sual pui nasat em avangin Pathian miten siam\hat hna thawk zawnga ke kan pen ve angai ta a ni,” a ti.  Zoram Reformation Front (ZRF) Chairman, H. Zosiam-liana pawhin thusawiin, “Congress leh MNF kum 10 ve ve in sorkar chhawk hi Thim Thuahhnih nen a danglamna a awm chuang lo a ni,” a ti. ZPM Office thar hawnna hunah hian MPC President, Lalhmangaiha Sailo leh ZNP President, Lalduhoma te pawhin thu sawiin |angrual Pawl a lo ding ta chu an lawm thu leh inlungrualna \ha neih a pawimawh thu te an sawi bawk.

Popular News