Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Aizawl-ah ‘No Tobacco Rally’ neih a ni

Indian Society on Tobacco & Health Mizoram Chapter, Mizoram State Tobacco Control Society leh TATA Trust hnuaia Center for Microfinance and Livelihoods te \angkawp buatsaihin nimin zing khan Aizawl-ah No Tobacco Rally neih a ni.
No Tobacco Rally-a tel te hi Health Minister, Lal Thanzara chuan Millenium Center kawt a\anga vailiamin hemi puala inkhawm tawi neih ah Health Minister chuan ISTHM hmalaknaa No Tobacco Rally neih a ni chu lawmawm a tih thu a sawi a. Mihring ten tum kan nei \heuh a, kan tuma hlawhtling tur chuan mahni inthununna (self-control) a pawimawh a ni, a ti a. Sports Association member he huna kalkhawmte hnenah infiammi hlawhtling tak ni tur chuan zuk leh hmuam leh ruihtheihthila fihlim a pawimawh hmasak ber thu a sawi a. India rama zuk leh hmuam hluarna leh cancer natna vei tamna state kan ni chu pawi a tih thu sawiin, vaihlo, zuk leh hmuam, hriselna nasa taka tichhetu sum leh pai khawhralna ni bawk chu do tur a nih thu a sawi bawk.
No Tobacco Rally-ah hian ISTHM President, Lal Riliani pawhin thu sawiin vaihlo ah taksa tichhe thei chemical 7000 chuang a awm thu leh heng zinga 80 chu Cancer thlen thei chi a ni tih a sawi a, \halai ten an thih phah hial vaihlo, gutkha leh a kaihhnawihte laka fihlim vek turin \halaite chu chahin Anti-Tobacco Campaigner ni vek turin a chah bawk.
He hunah hian Dr. Jane Ralte State Nodal Officer, Mizoram State Tobacco Contol Society pawhin thu sawiin vaihlo zuk leh hmuam in mihring Chuap leh thisen zamte a tihchhiat dan te leh natna chi hrang hrang a thlen \hin dan te sawifiahin, infiammi tan in fit tak tak tur chuan zuk leh hmuam laka fihlim a \ul thu a sawi a. Mizoram State Sports Council-a Secretary, C. Laltlanthanga leh mi pawimawh dangte pawhin thu sawiin Millenium Center Dawrpui a\anga \anin Vanapa Hall thleng Rally hi neih a ni.

Comments

Popular News (Last 30 Days)