ZEP hnuaia zirna In hrang hranga Zirtirtute ten Mathematics zirtir dan zirhona neih a ni

Zoram Entu Pawl (ZEP) Serchhip leh Tata Trust, Mumbai \angkawp buatsaihin tunkar Zirtawpni thleng awh tur Zirtirtute tana training chu nimin khan Serchhip-ah neih \an a ni.

Zoram Entu Pawl in School an thlan bik 36-a Zirtirtute tana training an buatsaih hawnna hi nimin khan St. John the Baptist Hall, Serchhip P&E Veng-ah neih a ni a, he hun hi Addl. DC, Chuauhnuna chuan hmanpuiin naupang ten Mathematics leh Science lama zir dan thar an neih theihna tura Zirtirtute tana hetiang training buatsaih a ni chu lawmawm a tih thu a sawi a, Mizo Medium-a zir tam tak te chu Science leh Mathematics-ah English Medium-a kal ten an phak \hin lo tih a sawi a. Mizo mipui ten Education-ah sum tam tak kan invest chungin rampum huap ah erawh kan lang phak chuanglo tih pawh sawiin, State dangte umphaka kan lehpelh theihna chu Education a nih thu leh State dang te lehpela dingchhuak turin hrehawm erawh kan tawrh ve ngam a \ul thu a sawi bawk.

Ni 4 chhung awh tur he training-ah hian ZEP in School an thlan bik 36 a\angin Zirtirtute an tel dawn a, nimin leh Vawiin hian Primary School Zirtirtute tan training hi neiin Ningani leh Zirtawpni ah Middle School Zirtirtute tan neih leh tur a ni dawn a, he Training-ah hian Resource Person atan Dr. Vivek Monteiro, Founder and Advisor of Navnirmiti Learning Foundation leh Geeta Mahashabde, Director of Universal Active Maths Programme, Pune leh Mumbai te hman tur niin training neih chhung hian zirlai naupang ten Mathematics leh Science lama thiamna tak tak neia tui zawka heng Subject te an zir theihna turin Black Board zirtirna mai nilo, Math-Kit nena zirtir dan tur te zirho a ni dawn a, training zawhfel a nih hnu hian zirlai naupangte pui thei tur lehkhabu chi hrang hrang chu he hunah tel Zirtirtute hnenah hian pek nghal an ni dawn a, hemi hmalam hian School tin tan Maths Kits chi hrang hrang pek an lo ni tawh a. Monthly Magazine- Science Journal, Diktawn leh Sports Culture pek an ni bawk a ni.

He training hawnna hun hi Baby Lal\hakimi Chinzah, Project Coordinator chuan kaihruaiin Tata Trust, NEIDA a\angin Jacob-a pawhin thu sawiin hma an lakna hrang hrangte a tarlang bawk a ni. Zoram Entu Pawl (ZEP) hian Serchhip District chhunga khaw hrang hrang a\angin zirna In enkawl bik an nei a, heng te hi tehfung hran awm lova thlan niin heng an School thlan te tan hian kawng hrang hrangah hma an la a, tuna hma an lakna bakah hian rualbanlote enkawlna kawng ah pawh nasa takin hma an la bawk a ni.