Latest News

Vice Chancellor nghet dah turin na zawkin kar

Mizoram University Students’ Council chuan Mizoram University-in Vice Chancellor nghet a neih loh chungchang leh a rang thei ang bera Vice Chancellor nghet dha tura ngenin nimin khan Union Minister for Human Resource Development, Prakash Javadekar hnenah ngenna an thlen.
Mizoram University Students’ Council sawi danin Mizoram University hian kum hnih (2) dawn lai Vice Chancellor nghet a nei lo leh Short List Candidate-te pawhin Interview leh Interaction an neihna thla thum aia tam mah a liam tawh hnua Vice Chancellor nghet dah a la nih loh avang te, MZUSC leh Teachers’ Association-te pawhin vawi tam tak Vice Chancellor nghet an neih loh vanga an harsatna tawh leh dah thuai tura ngenna an siam chung pawha tun thlenga an ngenna siam te’n ngaihpawimawh an hlawh lo chu Mizoram University zirlaite hmuhsitna ah an ngai tih an sawi.
Hetianga Vice Chancellor nghet an neih loh avang hian Union Minister for Human Resource Development, Prakash Javadekar hnenah Mizoram University-in Vice Chancellor nghet an neih loh chungchang leh a rang thei ang bera Vice Chancellor nghet dah tura ngenna hi nimin khan Fax hmanga thawnin an ngenna hi tih hlawhlin ngei an beisei tih an sawi a. Thla thar Sept. 5 hmaa Vice Chancellor nghet hi pek an nih loh chuan an dilna tih hlawhtlin a nih theih nan Mizoram University zirlaite chuan University hi a kal pangngaia a kal an remti lo tih sawiin, zirna an chhunzawm tawh dawn loh thu leh hnathawk zawng zawng pawh an Office kai tur an dang dawn tih an sawi bawk.

Comments

Popular News (Last 30 Days)