UD&PA Department in a vawikhatna atan ‘Mizoram khawpui Fai inelna’ buatsaih dawn

UD&PA Department chuan kumin 2017 hian a vawikhatna turin ‘Mizoram Khawpui Fai Inelna-2017’ a kalpui dawn a, he inelna Guidelines tur chu Zirtawpni khan UD&PA Minister, Zodintluanga chuan a pisa-ah a tlangzarh.
UD&PA Minister chuan he hunah hian Fai Inelna chungchang sawifiahin he inelna hi 2017-ah hian a vawikhatna atan neih a ni dawn a, hei hi kumtin neih chhunzawm zel tum a ni ang, a ti a. Khawpui fai endikna hi uluk tak leh felfai tak, duhsak bik awm lova kalpui tur a ni anga; chutiang atan chuan Specialized Agency/Institution rintlakte emaw, Panel of Experts te emaw phungbawmah sawmin endikna hna a kalpui ang, a ti bawk. Endikna atana senso pawh ruahman a ni dawn a. He Endikna atan hian Framework endikna Criteria leh marks fel tak duan a ni a, guidelines-ah hian dah vek a ni tih Minister chuan a sawi.
He Khawpui fai inelna a\ang hian Mizoram a khawpui zawng zawng Ranking 2017 siam a ni ang a. Kumina ranking hi inelna neih a nih leh hma chuan a ding reng dawn a ni. He inelna-ah hian Mizoram-a khawpui 23 te an tel vek ang a. Mizoram khawpuite hi Category 2-ah \henin Cetegory A-ah District Hqrs. 8 te an awm anga, Category B-ah Town dang 15- Saitual, Khawzawl, Hnahthial. Vairengte, Tlabung, Kawnpui, Thenzawl, North Vanlaiphai, Darlawn, Zawlnuam, Biate, Khawhai, Sairang, Lengpui leh Bairabi te an awm ang.
Heng khua te hi tehna hrang hrang chi 6-ah enfiah an ni dawn a, Category I leh Category II ah hian a hrang ve ve a lawmman siam tur niin pakhatna in  Rs. 1,00,000/-, pahnihna in Rs. 50,000/- leh pathumna in Rs. 30,000/- an dawng dawn a, heng Khawpui fai lawman hi October 2, 2017-ah Cleanliness Week Opening Ceremony ah sem a ni ang. Mizoram Khawpui Fai Inelna-2017 hi September ni 1 a\anga September ni 20 chhunga endikna kalpui tur a ni anga. Hemi chhung hian khawpui tin faina lama inbuatsaihna kawng hrang hrang an neih phal a ni ang.
Khawpui endik ni tur bik puan chhuah a ni lovang a, September ni 1 a\anga September ni 20 chhung hian a remchan dan ang zela endikna kalpui tur a ni ang. Assessment Framework hi khawpui tinah thawnchhuah a ni ang a, khawpui enkawltu ten mahni endikna (self assessment) an nei ang a, chumi hnuah Panel of experts emaw, Specialized Agency/Institution ruat bik ten evaluation neiin a hmunah an endik leh ang.

Popular News

Mizoram-ah Faina Hapta hman \an leh a ni

Retailer bukna diklo 3 man