Mizoram Sorkar Transport Department chuan tunlai hian Tax leh Fee an lak hrang hrang ba te tan ngaihhnathiamna hun an hawng mek a, hei hi mipui ten hmang \angkai se a duh thu Serchhip District Transport Officer, B. Lalrinsanga chuan a sawi.
Serchhip District Transport Officer, B. Lalrinsanga chuan July thla a\ang khan Mizoram sorkar chuan Transport Department-a Tax leh Fee hrang hrang pe lo te tan ngaihhnathiamna hun a hawng mek tih sawiin, he ngaihhnathiamna hun hi thla thum chhung atan hawn mek a nih thu leh Oct. ni 6 thleng a huam dawn thu a sawi. He ngaih-hnathiamna hun chhunh hian Tax hrang hrang leh Fee hrang hrang ba nei te chuan laste fee chawi lova pek theih a nih thu sawiin, tunah hian mi tam tak ten he hun hi a hman \angkai mek thu a sawi a, hei bakah hian Driving License thi tawh, renew ngai te tan pawh tunah hian late fee chawi lova tihnun theih a nih thu sawiin, hei pawh hi mi tam tak ten an chhawr \angkai mek thu a sawi bawk.
District Transport Officer chuan Serchhip khawpui chhunga Parking Fee kawn tura hmalak mekah ruahmanna peihfel thawhkhat a nih tawh thu sawiin, tunah hian Parking Area hrang hranga Fee khawn tur hi Tender mek a nih thu leh September ni 8-ah Tender hi hawn a nih dawn thu a sawi a. Heng Parking Area hrang hrangah hian Parking Fee khan dan tur ruahmanna ah chuan Two Wheeler leh Three Wheeler te tan darkar khat zelah Rs. 5/- a nih dawn thu a sawi a, Taxi-ah chuan darkar khat ah Rs. 8/- lain LMV, Maxi Cab, Light Goods Vehicle (LGV), MGV leh HVG-ah te chuan darkar khat zelah Rs. 10/- lak a nih dawn thu a sawi a, Serchhip chu khawpui, District Hqrs. a nih tawh avangin lirthei a pun ve zel thu leh hetianga Parking Fee khawn pawh hi thil \ul a nih tawh thu a sawi a, hetianga Parking Fee khawn a nih chuan kawngpui dung-a lirthei dan reng te chu reh tawh tura beisei a nih thu a sawi bawk.
B. Lalrinsanga, DTO chuan Serchhip District-ah lirthei a pung chak lutuk lo tih pawh sawiin, amaherawh chu Registration ti thar erawh an awm ve deuh reng tih a sawi a, Mizoram-ah Aizawl, Lunglei, Champhai leh Kolasib District tihloh ah chuan Registration ti thar hi a tam ber pawl kan nih thu a sawi bawk. Serchhip DTO Office-a thawk te chuan High Security Registration Plate bel hna pawh chak thei ang bera kalpui a nih thu pawh sawiin, amaherawh chu hmanrua te duh anga a thlen chak loh avangin bel zung zung theih a ni lo tih an sawi a. HSRP thleng tawh zingah ngaihsaklo tam tak an awm thu an sawi bawk.
Comments
Post a Comment