Serchhip-ah AH & Vety Department in NLUP-NEDP Convergence hnuaiah \anpuina an sem

Serchhip-a AH & Vety Department chuan nimin khan NLUP-NEDP Convergence hnuaia a thawhkhatna atan chhungkaw 54 te hnenah \anpuina Rs. 21,17,620 an sem a. Heng \anpuina dawngtute hi Bawnglian vulh thlangtu te, Vawk vulh thlangtu te, Ar vulh thlangtu leh Sial vulh thlangtute an ni.

AH&Vety Department in NLUP-NEDP Cenvergence hnuaia \anpuina semna hun P&E Veng YMA Hall-a an buatsaih hi District Bawrhsap, Sangchhin Chinzah chuan hmanpuiin sawiin Mizote chuan sorkar a\angin \anpuina chi hrang hrang kan dawng mawlh mawlh mai nia sawiin, kan vanneih hle tih a sawi a, amaherawh chu \anpuina kan dawn nasat tawh dan ngaihtuahin hmasawnna erawh kan nei lo hle thung si nia sawiin, sorkar a\anga \anpuina kan dawn tur chu an tuina zawng tak, eizawnna atana an thlan a nih angin taima tak leh rinawm taka thawk tur leh hlawhtlinna chang ngei tura fuihin, “Ram \ha, boruak \ha kan nei a, kan ramah hian mi taima tan chaw a nghei theihloh a ni,” a ti a. Pek ringawt nghak tan hlawhtlinna chhar tur a awm lo tih pawh sawiin, rilru paukhauh tak pu chunga taima taka hna thawk turin kalkhawmte a chah a, \anpuina sum, Bank Account-a an dah sakna lehkha a hlan nghal a ni.
He hunah hian Dr. Lalmakthanga, Chief Veterinary Officer chuan \anpuina sem dan tur leh hmalak dan tura ruahmanna siamte sawifiahin NLUP-NEDP hnuaiah chuan \anpuina pawisa hi \um hnihah pek zawh vek tum a ni a, a \umkhatna an pek a\anga thla 1 ralhnuah an hmalakna te endik sak vek an ni ang a, pek chhunzawm tlakte chauh pek chhunzawm an ni ang, a ti. 
Nimin \anpuina an pekte leh an hmalak dan tura ruahman dan ah chuan Bawnglian vulh thlangtu mi 5 hnenah Bawng In sakna atan Rs. 20,000 \heuh, Vawk vulh thlangtu mi 34 hnenah Vawk In sakna, bungbel leh vawk chaw hmun siamna atan Rs. 36,000 \heuh, Ar vulh thlangtu mi 13 hnenah Ar In sakna, Ar note, Ar chaw leh \uldang leina atan Rs. 52,740 \heuh, Tlangram Bawng vulh thlangtu mi 1 hnenah Bawng 2 leina tur leh a In sakna tur atan Rs. 55,000 leh Sial vulh thlangtu mi 1 hnenah Se nufa leina tur leh \ul dang atana hman tur Rs. 53,000 an pe a, nimin a \anpuina sum an pekchhuah zawng zawng hi Rs. 21,17,620/- niin, heng bakah hian NLUP 3rd & 4th Phase a rokhawlhna avanga dawng ve ta lo chhungkaw 3 te hnenah Rs. 76,000 \heuh an hlan bawk.
Nimin a he hun hman hi Serchhip District AH & Vety Officer, Dr. Lalnghinglova chuan a kaihruai a, Sorkar flagship programme pawimawh tak NLUP \anpuina chu Serchhip District chhunga chhungkaw 1761 hnenah an Department kaltlanga pekchhuah a nih tawh thu leh NLUP hnuaia mi hlawh-tlingte zarah sorkarin NEDP duang chhuak lehin, NLUP leh NEDP thlunzawm hmang hian, AH & Vety Sector Serchhip chuan mi 55 te hnenah \anpuina pekchhuah an tum tih a sawi a, mi pakhatin a phat tak avangin mi 54 te hnenah hian \anpuina pek a nih tak thu a sawi a. Dr. Biak-lianzuali, Veterinary Officer chuan lawmthu sawiin he hun hi a khar a, chawhnu lamah Training Programme hman a ni bawk.

Popular News

Mizoram-ah Faina Hapta hman \an leh a ni

Retailer bukna diklo 3 man