PRISM in Administrative District thar siam belh remchang rihlo ah an ngai tih an sawi

PRISM chuan tun dinhmun ah Mizoram-a Administrative District thar siam belh remchang rihlo ah an ngai tih sawiin, MLA Inthlanpui dawn boruaka vote zawn nana district thar pe lo turin sorkar an ngen a. Inthlan chuh tum te pawhin vote zawn nana District thar pek tiam lo turin an ngen bawk.
Nimin a PRISM in Bengvar Inkhawm an neih ah PRISM President, Vanlalruata chuan PRISM Steering Committee meeting ngaihdan puangin Administrative district siam thar leh a awmsa te awmdan ennawn chu ram hmasawnna hnathawh dan te, inrelbawl leh inawpna dinhmun te, mihring pun dan leh venhimna te leh sorkar hmachhawp mila kalpui tur a ni tih sawiin, “Hun kal tawha vote zawn nana Administrative District thar tur puan ten kan ramah buaina tam tak thlen tawhin thisen hial te a chhuak tawh hi PRISM chuan a pawi kan ti a. A thlen nawn kan duh tawh lo a ni,” a ti.
PRISM President, Vanlalruata chuan Administrative District thar siam chu a hautak em avangin kum 20 deuhthaw kaltaa Administrative District 3 kan neih \hin 8-a kan tihpun tak zinga a thar 5 te pawh kan sorkar in tun thlengin an nih tur ang an la nihtir thei lo nia sawiin, tun thlenga District panga te anih tur ang an la ni thei lo hi chu \ha an ti lovin tipuitling thuai turin sorkar an ngen a. Tuna kan ram dinhmun a\anga thlirin, district thar dang siam belh remchanga an hriat rih loh thu sawiin, “Tuna kan dinhmun a\anga thlir hian district thar siam hi remchang kan ti rih lo a ni,” a ti.
PRISM President chuan an sorkar hunah chuan tuna Administrative District kan neihsa te hi ennawnin an ramri an siam\ha dawn tih sawiin, thuneihna semzai a taka kalpuiin khawpui-ah Municipal dinin Municipal leh Village Council te thuneihna nasa tak pein sorkar department 20 a\angin mawhphurhna leh thuneihna an pe dawn tih a sawi a. “MLA ten mipui rawngbawl turin an bial-ah Office neiin mipui an \hutchilh dawn a. Kawngpui \ha neia internet \ha kan neih dawn avangin kan ramah hian kilkhawr bik leh development chang ve lo bik kan awm tawh dawn lo a ni,” a ti bawk.
Hei bakah hian ram in a mamawhna leh hmasawnna in a nawr vang ni lova vote zawn nana Administration khawih thutlukna sorkar in a lo siam tawh te chu inzir nan an hman ngei ngei a ngai dawn tih pawh PRISM President chuan sawiin, MLA Inthlan a lo hnaih leh takah hian vote zawn nana Administrative District thar siam lo turin sorkar an ngen a. Vote zawn nana district thar siam tiam lo turin MLA Inthlan chuh tum zawng zawng an ngen bawk tih PRISM President chuan a sawi a ni.

Popular News

Mizoram-ah Faina Hapta hman \an leh a ni

Retailer bukna diklo 3 man