ODF sawiselna hun hawng

Serchhip District Bawrhsap, Sangchhin Chinzah chuan hriattirna tichhuakin Serchhip District-a khawpui, Urban Area te chu khawlaia inthiarna (Open Defecation) awmlohna leh mitin mahni ek In ngeia an inthiarna khawpui Open Defecation Free (ODF) atan a puang.
Hemi chung-changa niminpiah a hriattirna a tihchhuah ah District Bawrhsap, Serchhip District Sanitation Task Force Chairman ni bawk chuan Serchhip District chhunga Urban Area-a Ward leh VC tin leh zirna In zawng zawngte, Self Help Group zawng zawngten Open Defecation Free Self Declaration an siam tawh ang leh Serchhip District Sanitation Task Force ten an pawmpui angin, Serchhip District Urban Area heng- Serchhip Town, North Vanlaiphai leh Thenzawl te chu khawlaia inthiarna (Open Defecation) awmlohna leh mitin mahni ek In ngeia an inthiarna khawpui Open Defecation Free (ODF) atan a puang tih a tarlang a. Hemi chungchanga sawi-selna (Objections) nei duh an awm anih chuan Deputy Commissioner Office leh Sanitation Officer Office (DLAO Office)-ah he ODF Preliminary Declaration a chhuah ni, August 22, 2017 a\anga ni 15 chhungin sawiselna (Complaint) hi thehluh theih ani ang tih a tarlang bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai