Mizo \halai leh tlawmngai pawl te thisen pek uar Mizoram vanneihna a ni - Lal Thanzara

Health Minister, Lal Thanzara chuan, “Mizo \halaite leh tlawmngai pawl ten thisen pek an uar chu Mizoram vanneihna a ni,” a ti.

Mizo Zaimi Inzawmkhawm (MZI) ten an dinchamphaphak vawi 37-na puala nimin a Aizawl Civil Hospital-a Blod Donation Camp an buatsaih a hmanpuina ah he thu hi sawiin Health Minister chuan thisen chu a thlakna tur mithiam te’n an la hmuhchhuah loh avangin WHO report a\angin khawvelah kumtin mi maktaduai 112-in thisen an pe \hin tih tarlan a nih thu a sawi a. India-ah pawh thisen hi kumtin Unit maktaduai 12 vel mamawh a nih thu leh Mizoram-ah kumtin Unit 25,000 vel mamawh \hin a nih thu a sawi a. India rama district engemawzat Blood Bank la awm lohna a awm laiin Mizoram-ah chuan District zawng zawng 8-ah Blood Bank hawn a nih tawh thu leh chu mai bakah Kohhran Blood Bank, Durtlang leh Serkawn-ah an nei bawk tih sawiin, Mizoram vanneihna a nih thu a sawi a. Heng Blood Banks 10 te hian theihtawpin mipui rawngbawlin \hahnemngai takin hna an thawk \hin a, a lawmawm hle a ni, a ti.
Health Minister chuan Mizoram State AIDS Control Society (MSACS) lamin theihtawp an chhuah chhoh zel ti changtlung turin Health Directorate-ah National Health Mission hnuaiah State Blood Cell din a ni tawh tih a sawi a. Blood Banks hrang hrang tih changtlun nan NHM kaltlang hian hmanrua engemaw zat an lei tawh thu sawiin, Civil Hospital Aizawl-ah Blood Collection & Transportation Van \ha tak pek a nih thu leh Lunglei-ah thisen thliarhranna dah tura hmalak mek a ni tih a sawi a, hei hi Lunglei District bakah Lawngtlai leh Siaha District thlenga an chhawr theih beisei a nih thu a sawi bawk.

Popular News

Mizoram-ah Faina Hapta hman \an leh a ni

Retailer bukna diklo 3 man

MZU-a VC tur ruat thar a ni