MBBS leh BDS zir tur tan Counselling neih \hat leh a ni

Nimin a\ang khan Mizoram State a\anga Central Pool-a MBBS seat 17 leh BDS seat 8 tan Higher & Technical Department Technical Wing, Chaltlang-ah Counselling neih \an a ni a.

Counselling-ah hian NEET result a\anga Top 100 chin koh an ni phawt a, NEET result Top 100 a\ang hian Central Pool-a MBBS seat 17 leh BDS seat 8 te hi an thlang a ni. MBBS leh BDS zir tur hian Zofate chauh thlan an ni tih MZP thuchhuah chuan a tarlang a, Zofate lo chu Higher & Education Minister in a lo sawi tawh angin Category-I ah dah an ni lo hrim hrim nia sawiin, nimin-a Counselling tihna ah hian MBBS seat 17 leh BDS seat 5 allotment pek an ni a, BDS seat 3 erawh chu karleh Thawh\anni-ah Counselling neih chhunzawm leh tur a ni ang.

Nimin a Counselling neih a nih avang hian MZP hruaitute pawh a hmunah kalin Mizo zirlaite hi an \awiawm a, kan ramah hian a ram neitu Mizote hian kan chanvo kan chan ngei hi kan tihtur leh kan chanvo dik a nih thu sawiin, “Pi leh pute a\anga kan rochun, kan ram tihbuai tumtu te leh Mizote inpumkhatna tichhe thei thil reng reng an thlahte hian theihtawpin kan do zel dawn tih leh mikhual chamrei, a ram neitute dawta puh chingte laka \hat chhuah reng hi Mizote bat a ni lo tih kan sawi nawn leh a ni,” an ti a. Mizoram a Chakma-te chu mikhual an nih thu sawiin, Bangla-desh a\anga dan lova rawn lut an ni tih an sawi bawk.