Kumin ah Pre-Matric Scholarship diltu an la tlem

Sorkar laipui Ministry of Minority Affairs hnuaia Mizoram in Pre-Matric Scholarship a hmuh theih tur biktuk zat 12,300 a nih laiin Scholarship diltu nimin thlen khan zirlai naupang 1,564 chauh an la awm.
Mizoram Scholarship Board Secretary, JH. Zoremthanga chuan , "Zirlai ten Scholarship an dil tam ber Pre-Matric Scholarship, Class X hnuailam tana Central in Mizoram a phalsak chin zirlai 12,300 a nih laiin Mizoram pumah Vawiin (24 Aug.2017) thlengin zirlai 1564 chauhin Minority Scholarship hi an la dil a, dilna hi August 31 thleng chauh hawn a nih tawh dawn vangin zirlai nu leh pa te'n fate tan schoolarship hi dil zel se, a dilna hawn hun chhung ngei hian atam thei ang berin dil se kan duh a ni," a ti.
Mizoram Scholarship Board Secretary chuan, "Tun dinhmunah Mizoram chhung District 7 a\angin Scholarship a thar diai (Fresh) a dil zirlai 1,564 chauh an la awm a. Nikum lamah Scholarship diltu te tana Adhaar Card No. an phut vang khan Adhaar card nei lo zirlai engemaw zat an awm vangin an nu leh pa leh zirtirtute pawhin an naupang te an buaipui \ha peih lo niin alang a. Tunhnai maia Ministry of Minority Affairs hotute nen meeting kan neihnaah Adhaar Card No. neih ngei ngei ngai \hin kha an thlahdul tak avangin nu leh pa ten kan fate tan he Scholarship hi dil sak vek thei ila a duhawm hle a ni," a ti bawk. Schoolarship dilna hi Internet online hmanga tih theih a ni a, mahnia tih theih a nih bakah hmun hrang hranga Common Services Centre-a\angin a tih theih a ni bawk.

Popular News

Mizoram-ah Faina Hapta hman \an leh a ni

Retailer bukna diklo 3 man