Helen Lowry College of Arts & Commerce hawng

Chief Minister, Lal Thanhawla chuan nimin khan Aizawl Seventh Day Tlang-ah Helen Lowry College of Arts & Commerce(HLC) a hawng a. HLC hi Mizoram University, Tanhril hnuaiah a inziaklut a ni.
Helen Lowry College of Arts & Commerce(HLC) hawngtu Chief Minister, Lal Thanhawla chuan Arts & Commerce zirna College din a ni chu lawmawm a tih thu a sawiin, a tam thei ang bera mithiam chherchhuak turin duhsakna a hlan a. Mizoram in Science leh Commerce Graduate chhawrtlak tam tak kan hmalawka Mizoram hmabak thlirin a mamawh a ni, a ti. Chief Minister chuan Mizoram hmasawnna turin hmalakna lian tham NLUP leh NEDP te bakah kawng tinrengin sorkarin theihtawp chhuahin hma a la mek tih sawiin, Sorkar hmathlir te leh hmalakna puitlina tura innghahna erawh mipui te an ni tih a sawi a. Mipui zingah mi hrisel, mithiam chhawrtlak, lehkhathiam chhawrtlak, thiamna-a Export quality nei leh a tak tak a thawk duh mi an tam a ngai tih a sawi bawk. Helen Lowry College hawnna inkhawmah hian Principal Dr. Biakzidinga Renthlei chuan report tawi a pe a. Khualzahawm, Mizo Conference of SDA President  Pastor R.Biakthansanga'n HLC College din a nih dan leh College hmathlir te a sawi bawk. HLC-ah hian Admission hawn mek niin Arts leh Commerce subjects-ah zirtirna kalpui a ni dawn a. Tunah hian admission la tawh zirlai 50 awm mek nen Class \an a ni dawn a ni.

Popular News

Mizoram-ah Faina Hapta hman \an leh a ni

Retailer bukna diklo 3 man