Darlawn in District thar siam \ul an tih thu an sawi

Darlawn District Demand Committee chuan District thar siam \ul an tih thu sawiin, District thar an neih hma chuan theihtawp chhuahin an thiam anga hma an lak zel tur thu an sawi.
Darlawn District Demand Committee hruaitute hian nimin khan Aizawl Press Club-ah thuthar thehdarhtute kawmin kum 1989 a\ang tawh khan Mizoram Sorkar-ah Administrative District thar, Darlawn Headquarters a awm turin beiseina sang tak nen vawi tam tak dilna an lo thlen tawh tih an sawi a, District thar nawr nan hian kawng hrang hrangah hma an lo lak tawh thu sawiin, amerawh chu kum 30 dawn zet an nghah hnuah pawh District thar pek an la nilo chu hriatthiam harsa an tih thu leh an mangang takzet tawh tih an sawi a. Mizoram hmar lama cheng, an District Demand Area a mite tan hian District thar siam hi a \ul tak meuh meuh nia sawiin, sorkar tan pawh tih makmawh ah an ngaih thu an sawi a, “Kan tlangdung hi kawng hrang hrangah kan hnufual hle a, tlangdung dang te angin hma kan sawn ve theihna tur awmchhun leh a bulthum ber chu District thar neih ve hi a ni tih kan hrechiang a, chuvangin duhna satliah mai nilovin, beiseina mittui nen kan thlir mek a ni,” an ti a. Mizoram Sorkarin ram hmasawnna tur ngaihtuaha District Re-organisation Committee a siam chu lawmawm an tih thu pawh an sawi bawk.

Popular News

Mizoram-ah Faina Hapta hman \an leh a ni

Retailer bukna diklo 3 man