Dan lova Sa pel chingte laka hmalak dan tur sawiho a ni

Nimin khan Serchhip District Wildlife Crime Control Sub-Unit te chu an Chairman Serchhip District SP, Lalringdika hovin a Office Chamber-ah an \hukhawm a. District chhunga ramsa leh nungcha \henkhat, dan phal lohva kap leh sumdawn nana hman chingte zawnchhuah beihpui –Species Specific Wildlife Enforcement Operation neih dan tur an rel.
Ministry of Environment, Forests and Climate Change hnuaia din Wildlife Crime Control Bureau, Serchhip Sub-Unit hian ramsa langsar (Iconic species) Sakei, Sai, Samak leh Keite chi ho bakah ramsa langsar lo Saphu, Sahram, Tangkawng, Sahuai lam chi leh ramsa dang pawh dan lova tihlum leh sumdawn nana hman chingte tihrema, a \ul anga an chunga kutthlak (action lak) dan tur leh; hetiang tih ching lo tura District mipuite zirtirna neih dan te an rel a. Sorkar laipui ruahmanna anga hetiang tih ching te zawnchhuah beihpui (Operation) an neih tur thu sawiin, an hmalak dan turte an rel nghal a ni.
He Beihpui thlak hi August thla chhunga neih tur a ni dawn a, hemi chhung hian District chhung hmun hrang hrangah sapel chingte dap-chhuah hna te, mipuite hnena zirtirna te, ramsa sumdawn nana hman ching dapchhuah hna te leh hmalak dan tur dang engemawzat an rel a. Heng hna te hi Serchhip Sub-Unit hnuaia Enforcement Agencies hrang hrang– State Forest Department, Police Department, Custom Department leh Army leh Border Security Force ten an thawk ho dawn a ni. Nimin a Serchhip District Wildlife Crime Control Sub-Unit Meeting-ah hian Enforcement Agencies te an tel kim a ni.

Popular News

Mizoram-ah Faina Hapta hman \an leh a ni

Retailer bukna diklo 3 man