Central YMA bultuma Mizoram-a ILP endik runpui neih hnuah ILP diltu an pung nasa

Tunhnaia Central YMA bul tuma Mizoram hmun hrang hranga Police ten hnamdang Inner Line Permit (ILP) endik runpui neih a nih avangin tunlai hian Aizawl Bawrhsap pisa-ah ILP dil an pung nasa hle nia hriat a ni a, ILP pechhuaktute chuan, \umdangah chuan ILP dil hi ni khatah mi 30-40 vel an ni \hin a, tunah chuan nikhatah 100 chuang an awm deuh ziah niin an sawi.
ILP pechhuaktute chuan ILP dil zingah hian Company hnuaia inhlawhfa an tam ber nia sawiin, dawr nghak turte, Motor Workshop-a thawk tur leh In sakna leh hmundanga hnathawk tur an awm nual bawk niin an sawi a. ILP dil tur hian Mizoram-a luh phalna, Inner Line Permit bakah Aadhar card emaw, Voter ID emaw, Pancard emaw leh anmahni chhawrtu turte awmna venga Local Council hriatpuina leh Voter ID thil tel a ngai a. ILP dilna Form hi pakhat Rs. 50 zela hralh a ni a, Rs. 270 a khul theih a ni. A hlui tihnun dilna Form chu Rs. 20 man a ni a, a khul chhuah nan Rs. 150 a ngai thung a, anmahni chhawrtu tur ten Bank-ah Rs. 1,000 an dahkham a ngai bawk a. Kumin January thla a\anga July thla thleng khan Aizawl Bawrhsap Pisa a\ang hian ILP 4,388 pekchhuah a ni tawh a, heta \ang hian Rs. 8,77,600 hmuh a ni tawh bawk.
ILP dilna thehlut tur hian a diltu bakah anmahni chhawrtu turte an inlan tel a ngai a, a chhawrtu tur a hman loh pawhin an chhungkaw zinga tu emaw tal a kal a ngai a. Mizoram-a luh phalna hi Lengpui \umhmun, Vairengte Police Check Gate, Bairabi Rel Station leh Silchar-a Mizoram House a\angin lakchhuah theih a ni. ILP buaipuite chuan, a dilna Form-ah dan zawm tur chi hrang hrang tarlan a ni chungin, a dilpuituten an chhiar chian loh \hin avangin harsatna tam tak an tawh phah niin an sawi a, ILP dilna thehlut turte chuan dan zawm ngaite hre hmasa vek thei se an duh thu an sawi.
Central YMA Kumpuan Committee Chairman, Vanlalruata chuan, ILP endik runpui hi kumtin neih \hin a nih thu a sawi a. Kuminah pawh tun thla laihawl khan Branch YMA tinah ILP endik runpui hi neih a ni a, hetah hian ILP nei lo, hnamdang mi 550 vel hmuhchhuah an ni a, heng mite hi Police kutah hlan an nih hnuah an awmna hmuna thawn haw vek an nih thu a sawi. Vanlalruata chuan, an endik apianga ILP nei lo emaw, thi tawh emaw, a lem emaw man tur tam tak a awm ziah chu \ha lo a tih thu leh ILP chungchangah sorkar hotute chu tun aiin khauh deuh se an duh thu a sawi a, ILP lem man tur awm \hin chu thil \halo tak a nih avangin, a lem siam \hinte pawhin sim se an duh thu a sawi bawk.

Popular News

Mizoram-ah Faina Hapta hman \an leh a ni

Retailer bukna diklo 3 man