Latest News

BDS zir turte tan Counselling neih leh a ni

Mizoram Quota-a BDS zir turte tan nimin khan Chaltlang-a Higher and Techincal Department, Technical Wing Pisa-ah Counselling neih leh a ni a, BDS zir turin mi 7 hnenah Seat pek a ni.
Technical Wing hotute chuan, Counselling hi BDS Seat ruak 3 hnawh khahna tura buatsaih ni mah se, kar kalta Zirtawpni-a MBBS leh BDS zir turte tana Counselling neih tawh a BDS zir tura thlan zinga zirlai 4-in an zawm theih loh tur thu an sawi leh avangin nimin khan BDS Seat 7 hnawh khat turin Counselling hi neih leh a ni a, hetah hian zirlai 25 an inlan a, zirlaite hi National Eligibility & Entrance Test (NEET)-a an tih\hat dan indawtin Seat thlan tir an ni a, Allotment pawh pek nghal vek an ni. Tarlan tawh angin Central Pool a\anga Mizoram in damdawi lam zirna tur Seat a neih hnawhkhat turin kar kalta Zirtawpni khan Counselling hi neih alo ni tawh a. Hetah hian MBBS-a Mizoram in Seat a neih zawng zawng 17 chu pekchhuah vek a ni a, BDS-a Mizoramin Seat 9 a neih zinga 6 chauh pek a ni thung a, heta seat 3 la bang leh seat 4 ruak ta hnawh khat tur hian Counselling hi buatsaih leh a ni. Damdawi lam zirnaah hian Mizoramin Central Pool a\angin seat 24 leh North Eastern Council hnuaiah seat 11 a nei a ni. 

Comments

Popular News (Last 30 Days)