Latest News

Zoram Exodus Movement (ZEM) kalpuitu ten Serchhip tlawhin hmalak an tum dan an sawifiah

Nimin khan Zoram Exodus Movement (ZEM) Steering Committee Member- Rev. Dr. K. Thanzauva, K. Sapdanga leh B. Lalchhanzova te chuan Serchhip rawn tlawhin Tourist Lodge-ah Serchhip-a Prominent Citizen, thuthar thehdarhtute leh khawtlang-a mi \henkhat te kawmin ZEM chungchang an sawipui.
He hunah hian Rev. Dr. K. Thanzauva chuan ZEM chu Mizoram hmasawnna tura sorkar \ha siam duh pawl a nih thu leh a duh apiang tan zawm leh thawhpui theih an ni thu sawiin, a Vision chu ‘Zoramtiam’ a nih thu leh a Mission chu ‘Chullo tur Mizoram’ (sustainable developed Mizoram) siam a nih thu a sawiin, “Hei lo hi ramdang kan nei lo. Kanaan ram pawh Oil awm lohna, ram rethei a ni; mahse Lalpa ram tiam a ni si a, chutiang bawkin Zoram hi kan tan Lalpa ramtiam chu a ni a, duh tak, hmangaih leh duat takin kan enkawl tur a ni,” a ti. Exodus awmzia sawifiahin Mizoram chhuahsana pem lam a nih loh thu leh Developed Mizoram- Dikna, Hmasawnna, Lungrualna, Chullo tur Zoram din hi a ni a, heng sal tanna hrang hrang Politics te, Economic te, Education te, Corruption te, Administrative system inawpna fello leh \ha lo a\anga chhuah hi a ni, a ti bawk.
Rev. Dr. K. Thanzauva chuan hmanlai Mizo inawp danah lal leh upa ten rorel mahse khawtlang roreltute chu Val Upate an ni a, vawiinah pawh Mizoram sorkar \ha taka a kal theih nan Val Upa uapna kan mamawh a ni tiin hei hi ZEM chuan an ngaih pawimawh thu leh Val Upa Council an din thu a sawi a, Val Upa Council chuan MLA candidate a thlang ang a, Chief Minister tur a ruat ang, Policy leh ram rorelna uap leh venpui hna a thawk dawn niin a sawi.
Steering Committee member, K. Sapdanga, Editor Vanglaini pawhin he hunah hian hmalak an tum dan te a sawi a, kalkhawm ten ngaihdan hrang hrang sawihona an neih hnuah hmalakna atana Convener hna lo thawk turin Kapliana Pachuau, Zion Veng; Lalawmpuia Renthlei, Hmar Veng leh Jerry Lalrintluanga, P&E Veng te an ruat nghal a ni.

Comments

Popular News (Last 30 Days)