Mizoram hmun hrang hranga thuthar thehdarhtute tan I&PR Department in Journalists Workshop an buatsaih

Information and Public Relation Department chuan nimin khan Mizoram-a chanchinbu mite tan 'Media-te leh an mawhphurhnate' tih thupui hmangin Aizawl-a I&PR Auditorium-ah Workshop a buatsaih a, he hun hi I&PR Minister, Lal Thanzara chuan khuallian niin a hmanpui a ni.

He Workshop-ah hian I&PR Minister, Lal Thanzara chuan, chanchinbu mite chu mipui zirtirtu a nih angin huaisen leh dik taka hna an thawh a ngai tih a sawi a. Beisei leh duh ang ‘Journalist Workshop’ Mizoram Journalist-te tan I&PR Department in an buatsaih chu lawmawm a tih thu sawiin, Mizoram Chanchinbu mite hian ram leh hnam tan nasa takin an thawk a, an inpekna leh thawhrimna avanga Mizoram hian kawng tam takah hma a sawn phah tih chu phat rual anih loh thu leh hun kal tawh thlir let in, rambuai lai pawh khan chanchinbu mite chu ram leh mipui rawngbawltu anni tih inhre reng chungin 'Tuboh leh Dolung' karah pawh huaisen takin mipuite hnenah thuthar puanzar hna an thawk reng a. Thudik \an vanga kut tuar hialte pawh an awm a ni, a ti a. Journalism hi taimakna, rinawmna, dikna leh huaisenna tel lo chuan 'a chak leh duh' nazawng te'na tih chi ani lova. Mipui hnena thupuan chhuah tur buatsaihtu an nih avangin, mipui ten thil nihna dik an hriat theih nan rinawmna leh dikna nena thawh a ngai tak meuh thu a sawi bawk. 
I&PR Minister chuan Chanchinbu leh chanchinbu miten zalenna zau tak an neih chu an hman thiam a ngai a, Dan hnuaia an kal thiam a \ul tih sawiin, midang zalenna an rapbet thianglo tih an hriat tel a ngai a ni, a ti. Health Minister ni bawk, Lal Thanzara chuan, tunhnaia District \henkhatin Doctor sawn chungchanga lungawilohna an lantirnaah chanchinbu mi \henkhat a meizanghlaptu leh mipui mawng hiattu-a an \ang ni awma thuthang awm chu \ha lo a tih thu a sawi a. Hetiang zawnga hmalak chu an tih loh tawp tur a ni tih an hriat a pawimawh a ni, a ti a. Chanchibu mite chu dik leh rinawm taka an hna thawk tur leh pawn lam a\anga thununtu awm lova, an mahnia in thunun tum turin a chah bawk.
Tunlaiah Internet leh Social Media vangin awlsam taka thil hriat zung theih tawh anih rual hian puanzar kawngah fimkhur a ngaih thu sawiin I&PR Minister chuan, “Hriatna leh thiamna te hi discipline a ngai a, a hun leh hmun dik taka hman loh chuan hriatna leh thiamna te hian \angkaina a nei thei lo,” a ti. Chanchinbu mi te chu anmahni an in control pawimawhzia leh thil \ha leh \halo ah pawh duh thlang thiam in,a \ha leh a dik, a mawi leh fel thlan leh thliar thiam a \ul thu a sawi a. “Zalenna zau tak nei mahse an zalenna chuan tawp chin a nei in Dan hnuaiah Dan angin a ni tur a ni a,Chanchinbumi nih avangin duh duh a tih theih loh a, duh duh a ziah theih loh. Ram dan chuan a khuahkhirh tlat tih hriat a pawimawh a.Zalenna kan neih ang bawkin mi dang pawhin zalenna an nei a, chu chu kan zah sak tur a ni. Mi privacy te, pawl privacy te zah sakin pawisak tur a ni” a ti bawk.
I&PR Director, Lalnithangi kaihhruai he hunah hian I&PR Secretary, Biaktluanga pawhin, chanchinbu mite chu rilru zau tak pu tura chahin, thudik chu a nihna ang taka ziak mai tur leh khawvel \hang zel mila insiamrem tum turin a chah a. DIPR leh MJA te Sorkar thu leh hla puanzarna kawngah thawhhona \ha tak an neih avanga lawmawm a tih thu a sawi bawk.
Vanlalrema Vantawl,President MJA chuan MJA chu NGO anih loh thu leh NGO anga chet lak a remloh thu sawiin mipuite rilru leh sukthlak a zau zawk theih nan chanchinthar puan zar kawngah zim lovin hawichhuah zau a ngai a ni, a ti bawk.
He Workshop-ah hian ‘Journalism’, ‘Social Media’ leh ‘Language’ tih thupui hmanga mithiam te thuziak chu zirho a ni.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.