Electric Transformer chhia thlakna tur ngaihtuah mek a ni

Inrinni kalta, July 1, 2017 zan dar 10:40 vel khan Serchhip Venglai-a Electric Trans-former chu chhe lehin siam\hat mai theih a nih loh avangin a thara thlak tura hmalak mek a ni.
He Transformer chhia hi a thlakna tur ngaihtuah nghal ni mah se State pawn a\anga Electric Transformer hi lakluh a \ul avangin duh angin a rawn thleng hma thei lo a. Hei vang hian mipuite mamawhna zualpui phuhruk turin P&E Depart-ment chuan hma la zuiin Serchhip Hmar Veng chawmna tura Electric Transformer dah thar tur, 100kV chu he Transformer-ah hian dah a ni a. Amaherawh chu he Transformer chhia hi 250kV lai a nih avangin a chawm chin Veng hrang hrangte hi a ruala Eng pek theih an ni lo a, niminpiah khan nileng a Transformer thlak hna hi thawkin nizan hmasa dar 7:00 a\ang khan he Transformer in a chawm Veng hrang hrangte chu a inchhawk in Eng pek an ni ta a ni.
Niminpiah a he Transformer thlakna hna an thawhna ah hian Electric leak palh chuan P&E Department-a MR hna thawk lai, Lalnunmawia (48), Serchhip P&E Veng chu a man palh a, thudawn danin Electric Control Room-a he line hi off vek anih hnuah Lalnunmawia hi Transformer-ah hian lawn a tum a, amaherawh chu Electric hi lo leak palh la awmin a kut-ah electric hian manin nikhaw hrelo in a awm zui a, amaherawh chu a bulhnaia In-ah lain damdawi In panpui nghal a ni a, a taksa hmundang ah hliam na tuar lovin a dinhmun pawh ngaihtuahawm a nilo nia thudawn a ni bawk.

Popular News

Mizoram-ah Faina Hapta hman \an leh a ni

Retailer bukna diklo 3 man