Zofate inpumkhatna atan YMA in hma a la zel dawn tih Central YMA President in a sawi

Central YMA President, Lalbiakzuala chuan Zofate inpumkhatna atan YMA in hma a la zel dawn tih sawiin, Tuikuk ten Supreme Court-a YMA te an hekna ah an dikna hailang turin YMA chu a tawp thlengin a kal dawn tih a sawi a. YMA hmalakna reng rengah Party politics in chiah lo se a duh thu a sawi bawk.

Nimin a YMA Day vawi 82-na puala thuchah a siamah Central YMA President, Lalbiakzuala chuan YMA chuan Zofate inpumkhatna atan hma a la zel dawn tih hi sawiin, a tu-a-mah in\hendarh leh inla hrang zawnga khawsa lo turin a ngen a, “Mizoram leh Zofate luah chin ramah hian kan zavaiin kan leng vek a, inlungrualna hi kan dinchhuahna bulpui a ni tih hriain, inpumkhat takin Zofate hi i khawsa ang u,” a ti a ni. Tuikuk anmahni leh anmahni insawi\haih a, anmahni duh thu a Tripura-a tlanchhia ten Supreme Court-ah YMA-te diklo taka an hek thu pawh sawiin, YMA chuan a tawp thlengin an dikna hailan a nih theih nan an kal zel ang tih a sawi a. Khawvel lo inher danglam leh hmasawn zel kara a thiltum leh thuvawn te hrereng chunga YMA kalphung kan inher danglam ve hret hret a nih pawhin YMA zahawmna kengtu ber – |anpui ngaite \anpuitu pawl a nihna chu thlauhthla lova kan vawn nun reng a ngai tih a sawi a, “A member te hi pung thur thur in, bungrua leh hmun hmate nei belh zel mah ila, a thuvawn – |anpui ngaite \anpui tih hi innghahna bera kan hman a tul takzet a ni,” a ti bawk.
Central YMA President chuan YMA chu mi lian leh mite, hausa leh retheite angkhata min entu, Kohhran pawl hrang hrang leh Political party hrang hrangte inlungrual taka kan telna theihna pawl awmchhun a nih avangin a chhiat a \hatah kan zavaiin mawh kan phur tih a sawi a, “He pawl thianghlim leh zahawm tak hi politics boruak bawlhhlawhin in tichhe lo sela, Kohhran innghirnghona boruak \ha lovin luhchilh lo sela, YMA a chhiat chuan Mizo society a chhe dawn tih hre reng chungin he pawl zahawmna humhalh hna hi I thawk zel ang u,” a ti bawk.
Ram leh hnam tana thil\haa sorkar finchhuah a, \awiawm chu YMA tih tur a nih thu pawh sawiin Lalbiakzuala chuan, chutih rualin ram leh hnam tana pawi tur leh \ha lovah chuan sorkar pawh nise, huaisen taka hnial ngam a, kawng dik kawhhmuhtu a \an pawh a ngai ang tih a sawi a, “YMA hi Politics rawngkai lo, tlawm-ngai pawl, mahni inphata, midangte tana rawng-bawl \hin pawl a nih angin Central YMA a\anga Section YMA hmalakna reng rengah Party politics in chiah lo sela, Ruling party in duh duha an pawh phar theih YMA hruaitu, Opposition Party lamin hmanrua atana an kawih her theih YMA hruaitu nihte a hlauhawm a, pawl dang ten an pawl thiltum tihhlawhtlin nana YMA hmatheha an hman loh nan ngaihtuah fim neih pawh a ngai hle,” a ti bawk.
Central YMA President chuan YMA-a hruaitute chungah mi ten rinna an nghah avangin YMA thiltih chu tlo sela, belhchian dawl sela, a kal dan hi Zo nun zemawi – tlawmngaihna, aia upa zah, rinawmna, thawhrimna leh diknaah innghat sela, YMA hi a \hang zel ang, a ti a. YMA chu kawng engkim ah a chhelai siam\hatu ni zel thei tura inbuatsaih a \ul thu sawiin, intodelh kawng ah te, ngaihsan tur dik ngaihsan a, ngaihhlut tur zawng ngaihhlut kawngah te \an kan lak a pawimawh thu a sawi a. Kan ram rohlu thing leh Mau, lui tui leh nungcha humhalh kawngah\tan kan lak zel a \ul thu pawh a sawi a ni.
Central YMA President chuan kan ram leh hnam hmasawn nan Zirna a pawimawh thu pawh sawiin, Branch YMA ten mahni huam-chhung \heuhah naupang sikul kai rual kailo te dapchhuah a, an kai theih nana hmalak te, zirlai ten zirna \ha an dawn theih nan hmalak leh anmahni fuih fo te, zirlai ti\ha chawimawi te a \ul thu pawh a sawi a, Faina chungchang ah pawh hmalak a \ul thu a sawi bawk a ni.

Popular News

Mizoram-ah Faina Hapta hman \an leh a ni

Retailer bukna diklo 3 man

MZU-a VC tur ruat thar a ni