Thuthar thehdarhtute tan SEDP zirhona buatsaih

MNF Programme and Policy Sub-Committee chuan nimin khan Aizawl-a I&PR Conference Hall-ah thuthar lakhawmtute tan MNF Policy thar, Socio-Economic Development Policy (SEDP) chungchang zirhona a buatsaih.
MNF Policy thar, Socio-Economic Development Policy (SEDP) chungchang zirhona hi NF Programme and Policy Sub-Committee Chairman, Dr. R. Lalthangliana chuan kaihruaiin kum 10 chhung MNF-in thuneihna a chan lai khan hmasawnna tam tak a thlen thu a sawi a, chutih rual chuan, tih fuhloh leh tihsual engemaw zat an nei tih erawh an pawm tih sawiin, mipuite duhthusam lo leh mi rilru tihnat an lo neih palh zawng zawngah ngaihdam a dil nghal bawk.
MNF Policy thar SEDP chu Zoram thar dinna tura Sorkar inawpna leh rorelna kalpui dan tur ruahmanna a ni tih sawiin Dr. R. Lalthangliana chuan, Socio-Economic Development a nih angin a huam pawh zau hle a ni, a ti a. SEDP thil tum ber chu Sorkar rintlak leh rorelna \ha, Good Governance din tum a ni tih sawiin, “Langtlang sorkar, mitin huapzo, ram chhiat leh \hat a mawhphurhna la ngam Sorkar din a ni dawn a. Thuneihna sem zai a, VC leh Local Council kuta thuneihna tam zawk pek a, tlawmngai pawlte hman \angkai leh an hnathawh tur sum mamawh Budget-a dah sak tum a ni a. Tunlai thiamna sang zawk hmanga inrelbawlna \ha leh chak zawk a awm theih nan Information technology hman \angkai a, E-Governance uar zawka hman tum a ni a. |halai a tam thei ang berin eizawnna ngelnghet an neih theih nan hnathawh tur nagihtuah sak an ni anga, \halai lehkhathiam hnathawh tur nei lote tan Unemployment Allowance siam a ni dawn,” a ti a ni.
Dr. R. Lalthangliana chuan, SEDP hnuaiah hian hmasawnna din chu ngaihpawimawh a ni dawn nia sawiin, eirukna do kawngah pawh chak taka hmalak a ni dawn a, State Vigilance Commission rintlak din a ni anga, Lokayukta pawh hnathawk thei tura thuam\hat a nih tur thu a sawi a. MNF-in sorkarna a chan lai kum 2003-a Mizoram Youth Commission a lo din tawh chu a huam a zauh tawk loh avangin Man-Power Directorate thar din a nih tur thu a sawi bawk.
SEDP chu a thlawna sum sem lam a ni lo nia sawiin, MNF Programme and Policy Sub-Committee Chairman chuan, \anpuina leh chhawmdawlna awmze neia kalpuina tura duan a ni a, puih tlaka ngaihte chu Grants, Subsidy, Soft Loan, Price Support leh Incentive Awards anga \anpui an ni zawk dawn niin a sawi a. MNF a sorkar ve leh zu zawrh chu tihtawp nghal a nih tur thu leh Aizawl khawpui chhung a\angin Assam Riffle hmunpui chu sawn chhuah a ni ang a, ram awl chu mipui tan hman vek tur niin, Inches 1 pawh mimal kutah pek a nih loh tur thu Dr. R. Lalthangliana chuan a sawi bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai