Thlasik thlai chingtu inhmukhawm

Serchhip Zawlpui phai-a Thlai chingtu in-zawmkhawm, Serchhip Horticulture & Agricul-ture Cooperative Society chuan nimin khan Lalpuithanga Hall, Serchhip Chhim Veng-ah Annual General Assembly an nei.

Serchhip Horticulture & Agriculture Cooperative Society Assembly hian chawhma lamah an Chairman, PC. Siam-liana kaihhruaiin rorel inkhawm neiin an thurel zinga Thlasik thlai leh thlai dang an chin \hin te thianghlim taka enkawlin a thianghlim \ha chauh hralhchhuah nise an ti a, hetianga an rel chhan hi tun-hnaiah Serchhip Mat phai-a thlai chin-ah damdawi leh hlo dang hman a awm anga sawi a awm vang a ni a. Hei bakah hian Mat Phai-a Power lakluh tawh chu \angkai zawka hman a nih theih nan zau zawka pawtdarh turin hmalak nise tiin kum kalta chhunga an hmasawnna tura hma la tu Chief Minister, NEIDA leh Project Director, DRDA te hnenah lawmthu an sawi bawk.

He Assembly hi chawhnu lamah Di-visional Horticulture Officer, M. Vanlalzami chuan hmanpuiin ARCS aiawhin Lalrinmawia chuan a hmanpui bawk. He Society-ah hian Thlasik thlai chingtu chhungkaw 200 vel zet an tel a ni.