Thenzawl leh East Lungdar-ah BLO tan training neih a ni


Nimin khan Thenzawl leh East Lungdar-ah te Election Commission of India in Special Drive kalpui tura ruahmanna a siam chungchang BLO te tana zirhona neih a ni.
Thenzawl-ah chuan he zirhona hi Thenzawl SDO (Civil) Office, Then-zawl-a neih niin Thenzawl SDO (Civil) leh Electoral Roll Officer (ERO) ni bawk, Melody Ngurthantluangi chuan hmanpuiin Election Commission of India in rampumah thla thar, July 2017 chhunga Special Drive a kalpui tur chung-chang ah BLO te hriattur leh tihtur pawimawh hrang hrang a sawi a. Thenzawl Sub-Division huamchhungah Election Commission of India in he Special Drive kalpuina tura ruahmanna a siam angin felfai taka kalpui tum a nih thu sawiin, hemi atan hian BLO te chu theihtawp chhuah turin a ngen bawk. Nimin a BLO te tana Training-ah hian Thenzawl Sub-Division huamchhung- Thenzawl, Neihloh leh Buangpui a\angin BLO te an tel a ni.

⌛ Nimin vek khan East Lungdar-ah pawh hmaih awm lova kum 18 a\anga kum 21 inkarte Electoral Roll-a an awm kim theihna tura atana beihpui thlakna (Special Drive) atana inbuat-saihna hun, Hrangturzo Assembly bial chhunga Booth Level Officer te tana training hi BDO Office, East Lungdar-ah neih a ni a, he hun hi East Lungdar BDO leh Hrangturzo Assembly bial-a AERO ni bawk, Vanlal\anpuia chuan hmanpuiin BLO te  mawhphurhna hrang hrangte sawiin, he hun atana mi pawimawh ber an nih thu a sawi. He beihpui thlakna hi hlawhtling taka kalpui anih theih nan kum 18 leh kum 21 inkar, India khua leh tui dik tak, Electoral Roll-a chuanglo te zawnchhuah kawngah theihtawp chuaha thawk turin BLO te chu a ngen a. He beihpui thlakna atana BLO ten an tih tur hrang hrangte an zirho nghal a ni. He hunah hian E. Lungdar bakah, Biate, N. Mualcheng, Sailulak leh Leng khua a\angin BLO an tel a ni.

Popular News

Mizoram-ah Faina Hapta hman \an leh a ni

Retailer bukna diklo 3 man