Latest News

Thenzawl-ah thingphun hun hmang

Thenzawl-a AH&Vety Department leh Environment, Forest & Climate Change Depart-ment huaihawtin nimin khan Thenzawl-a AH & Vety Farm Complex-ah Tree Planting Camp neih a ni a. Thing\iak 100 chuang phun a niin, he hun hi AH&Vety Department Director, Dr. Saingura Sailo chuan Khuallian niin a hmanpui.
Nimin-a Thenzawl-a AH&Vety Farm Complex-a Tree Planting Camp puala inkhawm tawi, Thenzawl-a AH & Vety Department General Manager, Dr. Lalhmingthanga kaihhruaia neih ah Khuallian AH&Vety Department Director, Dr. Saingura Sailo chuan, Mizoram ah thing\iak phun uar a \ul thu sawiin, thing\iak phun a, ramngaw humhalha Zoram nuam siam chu kan zavaia mawhphurhna a ni tih a sawi.
Vety Director chuan Vety Department ten Thenzawl-a an hmalakna kal mek engemaw zat a tarlang a. Chung zingah chuan Thenzawl-a Vety Farm chu Eco-Tourism rilru putna a\angin Horse Riding tihna hmun tura siam a ni dawn a, Sakawr chungchuan chi 10 dah tura hmalak mek a niin, kumin chhunga peihfel hman beisei anih thu a sawi a. Hei bakah hian Aizawl tlang-a Vety Department ramah Kel chi \ha chi Kg. 40 vel lai ni thei tam tham tak vulhna siam tum mek anih thu a sawi bawk.
He hunah hian Thenzawl Forest Division-a DFO, Lallianzuala chuan, Thenzawl Forest Division hnuaiah nikum thleng khan Thing\iak 2,50,000 phun a ni tawh tih sawiin, nikum 2016 a Green Mizoram Day denchhena Thenzawl a\anga Lunglei panna, World Bank kawngpui kam, Thenzawl leh Buangpui inkara thing\hiak phun 465 chu tun thlengin a la dam vek nia an hriat thu a sawi bawk. Vawiin a Tree Planting Camp neih ah hian Vety Farm Complex chhungah thing-\iak chi hrang hrang phun zui nghal niin thiang\iak 150 vel an phun a ni.

Comments

Popular News (Last 30 Days)