Society ten inkaihhruaina Dan feltak an zawm tlan avangin Cooperative Society te a hlawhtling chho mek zel - Lal Thanhawla

Chief Minister, Lal Thanhawla chuan Mizoram-a Cooperative Movement leh Society te chu a kal tur anga a kal \hin loh avangin a hlawhtling vak lo \hin nia sawiin, “Tunah chuan kan Society te enkawlna hi a changtlung tawh a, inkaihruaina Dan felfai tak kan zawm tlang a, hengte avang hian Cooperative Society te hi a hlawhtling chho mek zel,” a ti.

Mizoram Cooperative Apex Bank Limited inkhawmpui vawi 24-na nimin a Aizawl Vanapa Hall-a neih a hmanpuina ah Chief Minister leh Cooperation Department enkawltu ni bawk, Lal Thanhawla chuan Mizoram-a Cooperative din tirh lamah chuan Cooperative Movement leh Society te hi a kal tur anga a kal \hin loh avangin a hlawhtling vak lo \hin tih a sawi a. “Mahse tunah chuan kan Society te enkawlna hi a changtlung tawh a, inkaihruaina Dan felfai tak kan zawm tlang a, hengte avang hian Cooperative Society te hi a hlawhtling chho mek zel a, inkaihhruaina Dan kan zawm leh zawm lohah a hlawhtlinna hi a innghat a ni tih kan hre tlang hi a lawmawm a ni,” a ti. Chief Minister chuan Mizoram Cooperative Apex Bank Limited chu sum puktirna leh khawlna Credit Institution pawimawh tak a nih thu te, Mizoram hmun hrang hrangah Branch 17 nei tawh in, mipuite ten \angkai takin an lo hmang tawh tih sawiin, Pawl leh Kohhran pawhin \angkai tak a an chhawr thu leh \angkai lehzuala mipuiten an hman theih nan a thawktu a\angin an member te leh mipui mimir ah inzirtirna (education and training) ngaihpawimawh a \ul thu a sawi bawk.
Chief Minister chuan Mizoram ang ziak leh chhiar thiam tamna, hnam changkang awmna leh \awngkhat hmang state ah Cooperative Move-ment hi economy intodelhna atan leh ram \han zelna atan rahbi pawimawh tak a ni thei tih a sawi a. “Sorkar nghenchhan lova ei leh bara intodelhna leh sum leh pai dehchhuahna kawngah Coop-erative movement hi kan \angkaipui thei a, mahse engkim hi rinawmna leh langtlang taka kan kalpui a ngai,” tiin inkhawmpui hmangtu Coope-rative Society member te chu an thawhna leh Society an enkawlna kawngah rinawmna, dikna, taihmakna leh Pathian \ihna nung nen thawk turin a fuih bawk.
Bank te sum enkawlna leh mipui-a an sum thehchhuah tehfung, Cash to Credit Ratio (CD Ratio) chungchang sawiin Chief Minister chuan, Mizoram-a Bank awm mek ten CD Ratio hi RBI phut aia hniam fe an neih \hin chu tisang turin vawi tam tak khauh takin an hrilh \hin thu leh Apex Bank in RBI phut ang CD ratio an pha chu lawmawm a tih thu a sawi a. An Balance Sheet a\angin Apex Bank chu an \hang tih a chiang tih pawh sawiin, “Ramin kan Bank neih a ni a, hma a sawn zel theih nan duat tak leh dik taka kan enkawl zel a ngai a ni,” a ti a. National Coope-rative Development Corporation (NCDC) chu Mizoram pawhin \angkai takin a hmang mek tih pawh sawiin, kuthnathawktute ham\hatna tur bera din anih angin nasa takin hma an lak thu leh \angkai lehzuala hemi kaltlang hian kuthna-thawktu ham\hatna leh an hlawkna tur kan ngaih-tuah tlan a \ul thu a sawi bawk.
Mizoram Cooperative Apex Bank Ltd. hi kum 1982 a din niin tunah hian Mizoram pumah Branch 17 an nei mek a. Board of Director 11 neiin, hnathawktu 163 an awm mek a. Kum 2014-15 a hlep cheng nuai 389.79; kum 2015-16 a hlep cheng nuai 614.65 leh kum 2016-17 ah hlep cheng nuai 624.16 an nei a. 2015-16 a an Deposit (sum dahluh) tlingkhawm chu cheng nuai 59202.46 niin hemi hun chhungin an CD Ratio chu za zelah 67.63 a ni a. 2016-17 a an Deposit (sum dahluh) tlingkhawm pungchho cheng nuai 72406.26 a tling a, an CD ratio hi hemi hun chhung hian za zelah 58.43 a ni a. India ramah Cooperative Bank te zingah Information Technology Audit nei thei awmchhun an ni bawk.
Mizoram Cooperative Apex Bank Ltd. inkhawmpui-ah hian chawhnu lamah Palai kalkhawm ten Agenda hrang hrang an sawiho bawk a ni.

Popular News

MZI ten thisen an pe

Mamit-ah ‘Free Coaching Class’ hawng

MUP ten kawng kam thianfai

Roll ennawn a ni leh dawn